ശബരിമലയിലെ പുതിയ മേല്ശാന്തിയായി എന്. പരമേശ്വരന് നമ്പൂതിരിയെ തെരഞ്ഞെടുത്തു... ശംഭു നമ്പൂതിരി മാളികപ്പുറം മേല്ശാന്തി
ശബരിമലയിലെ പുതിയ മേല്ശാന്തിയായി എന്. പരമേശ്വരന് നമ്പൂതിരിയെ തെരഞ്ഞെടുത്തു... മാവേലിക്കര തട്ടാരമ്പലം സ്വദേശിയാണ്. കുറവക്കാട് ഇല്ലത്ത് ശംഭു നമ്പൂതിരിയാണ് മാളികപ്പുറം മേല്ശാന്തി.
സന്നിധാനത്ത് രാവിലെ നടന്ന നറുക്കെടുപ്പിലൂടെയാണ് പുതിയ മേല്ശാന്തിയെ കണ്ടെത്തിയത്. പരേതനായ നാരായണന് നമ്പൂതിരിയുടെയും സുഭദ്ര അന്തര്ജനത്തിന്റെയും മകനാണ്. ഹരിപ്പാട് ചെട്ടികുളങ്ങര, പമ്ബ മഹാഗണപതി ക്ഷേത്രം എന്നീ പ്രധാന ക്ഷേത്രങ്ങളില് മേല്ശാന്തിയായിരുന്നിട്ടുണ്ട്. നിലവില് ഏവൂര് ശ്രീകൃഷ്ണ സ്വാമി ക്ഷേത്രത്തിലെ മേല്ശാന്തി.
ഭാര്യ : പൈവള്ളിക്കല് ഇല്ലം ഉമാദേവി അന്തര്ജനം (അധ്യാപിക, മാവേലിക്കര ഇന്ഫന്റ് ജീസസ് സ്കൂള്) മക്കള് : നാരായണന് നമ്പൂതിരി (ഐഐടി വിദ്യാര്ഥി കര്ണാടക), വിഷ്ണു നമ്പൂതിരി ( ഡിഗ്രി വിദ്യാര്ഥി മാവേലിക്കര ബിഷപ് മൂര് ) മാളികപ്പുറം മേല്ശാന്തിയായി കോഴിക്കോട് കല്ലായി ഋഷി നിവാസില് കുറുവക്കാട്ട് ഇല്ലത്ത് ശംഭു നമ്പൂതിരിയെ തിരഞ്ഞെടുത്തു.
പന്തളം കൊട്ടാരത്തില് നിന്ന് എത്തുന്ന 10 വയസ്സിന് മുകളില് പ്രായമുള്ള രണ്ട് ആണ്കുട്ടികളാണ് നറുക്ക് എടുത്തത്. ശബരിമല സ്പെഷ്യല് കമ്മിഷണര് എം. മനോജ്, ഹൈക്കോടതി നിരീക്ഷകന് എന്. ഭാസ്കരന് എന്നിവരുടെ മേല്നോട്ടത്തിലാണ് നറുക്കെടുപ്പ് നടന്നത്.
അതേസമയം ശബരിമലയില് ഭക്തര്ക്ക് രണ്ടു ദിവസത്തെ നിയന്ത്രണം.... നിലവില് മല കയറിയവര്ക്ക് മാത്രം ദര്ശനം, ശബരിമല ഉള്പ്പെടുന്ന വനമേഖലകളില് മഴയുടെ പശ്ചാത്തലത്തില് അപകട സാധ്യത ഏറെ, പമ്പാ നദി കരകവിഞ്ഞൊഴുകുന്നു.
മഴയുടെ പശ്ചാത്തലത്തില് അപകട സാധ്യത കണക്കിലെടുത്താണ് ഇന്നും നാളെയും തീര്ത്ഥാടകര്ക്ക് നിയന്ത്രണം കൊണ്ടുവന്നത്. നിലവില് പമ്പാ നദി ചിലയിടങ്ങളില് കരകവിഞ്ഞൊഴുകി തുടങ്ങി. വൃഷ്ടി പ്രദേശത്ത് മഴയുടെ തീവ്രയാകട്ടെ ഉയര്ന്നിട്ടുണ്ട്.
അതേസമയം, അയല് സംസ്ഥാനങ്ങളില് നിന്നെത്തിയവര്ക്ക് ഇടത്താവളങ്ങളില് ക്യാമ്പ് ചെയ്യാനുള്ള സൗകര്യമുണ്ട്. ഇവിടങ്ങളില് വെള്ളവും വൈദ്യുതിയും എല്ലാം ദേവസ്വം ബോര്ഡ് ഉറപ്പാക്കും.
നദികളില് ഉയരുന്ന ജല നിരപ്പിന്റെ കൂടി സ്ഥിതിഗതികള് വിലയിരുത്തിയാണ് രണ്ടു ദിവസത്തെ നിരോധനം. ഈ ദിവസങ്ങളില് ദര്ശനത്തിനായി ബുക്ക് ചെയ്തവര്ക്ക് മറ്റൊരു ദിവസം അനുവദിച്ചു നല്കാന് ദേവസ്വം ബോര്ഡ് ക്രമീകരണം നടത്തും.
"
https://www.facebook.com/Malayalivartha
