സംസ്ഥാനത്ത മഴക്കെടുതിയില്‍ സംഭവിച്ചിരിക്കുന്ന വൈദ്യുത വിതരണ പ്രതിസന്ധി ഒഴിവാക്കാന്‍ ധൃതഗതിയിൽ നടപടികള്‍ സ്വീകരിച്ച്‌ കെഎസ്‌ഇബി. അവധികള്‍ റദ്ദാക്കി വിതരണവിഭാഗത്തിലെ മുഴുവന്‍ ജീവനക്കാരും തൊഴിലിടങ്ങളിൽ പ്രവേശിക്കാൻ കെഎസ്‌ഇബി നിര്‍ദേശിക്കുകയുണ്ടായി. പലയിടത്തും വിതരണം തടസ്സപ്പെട്ട സാഹചര്യത്തിലാണ് അടിയന്തിര നീക്കം.

അതോടൊപ്പം തന്നെ പ്രതിസന്ധി നേരിടുന്നതിനെ കുറിച്ച്‌ ചര്‍ച്ച ചെയ്യാന്‍ ഇന്ന് കെഎസ്‌ഇബി ഉന്നത തല യോഗം ചേരുമെന്ന് റിപ്പോർട്ട്. വൈകിട്ട് മൂന്ന് മണിക്ക് മുഴുവന്‍ സമയ ഡയറക്ടര്‍മാരുടെ യോഗവും നാലുമണിക്ക് വിതരണവിഭാഗത്തിലെ മുഴുവന്‍ എക്‌സിക്യൂട്ടീവ് എഞ്ചിനീയര്‍മാരുടെയും യോഗം വിളിച്ചിട്ടുണ്ട്. കക്കി, ഇടുക്കി, ഇടമലയാര്‍ തുടങ്ങി വന്‍കിട അണക്കെട്ടുകള്‍ തുറക്കേണ്ടിവന്നാല്‍ സ്വീകരിക്കേണ്ട മുന്നൊരുക്കം, പ്രളയബാധിത പ്രദേശങ്ങളിലെ വൈദ്യുതി വിതരണം പുനസ്ഥാപിക്കല്‍ ഇവ യോഗം വിലയിരുത്തുന്നതാണ്.

അതേസമയം, മ​ധ്യ​കേ​ര​ള​ത്തെ ദു​രി​ത​ത്തി​ലാ​ക്കി കനത്ത മ​ഴ തു​ട​രു​കയാണ്. വിവിധ ജില്ലകളില്‍ കൂടുതല്‍ ദുരിതാശ്വാസ ക്യാമ്പുകള്‍ തുടങ്ങിയിട്ടുണ്ട്. കോ​ട്ട​യ​ത്ത് 33ഉം ‌​ആ​ല​പ്പു​ഴ​യി​ല്‍ 12ഉം ​പ​ത്ത​നം​തി​ട്ട​യി​ല്‍ 15ഉം ​ക്യാ​മ്പു​ക​ളാ​ണ് ഇതിനോടകം തന്നെ തു​റ​ന്നി​രി​ക്കു​ന്ന​ത്. കാ​ഞ്ഞി​ര​പ്പ​ള്ളി താ​ലൂ​ക്കി​ല്‍ മാത്രം 19ഉം ​മീ​ന​ച്ചി​ല്‍ താ​ലൂ​ക്കി​ല്‍ 13 ഉം ​കോ​ട്ട​യ​ത്ത് ഒ​ന്നും ദു​രി​താ​ശ്വാ​സ ക്യാ​മ്പു​ക​ളാ​ണ് നിലവിൽ ഉള്ളത്. 321 കു​ടും​ബ​ങ്ങ​ളി​ലാ​യി 1196 അം​ഗ​ങ്ങ​ളാ​ണ് ക്യാമ്പു​ക​ളി​ലു​ള്ള​ത്. മ​ണി​മ​ല അ​ട​ക്കം ജ​ന​ങ്ങ​ള്‍ ഒ​റ്റ​പ്പെ​ട്ട സ്ഥ​ല​ങ്ങ​ളി​ല്‍ രാ​വി​ലെ ഹെ​ലി​കോ​പ്ട​റി​ല്‍ ഭ​ക്ഷ​ണ​മെ​ത്തി​ക്കും.

കൂടാതെ ക​ഴി​ഞ്ഞ​ദി​വ​സം ഉ​രു​ള്‍​പൊ​ട്ട​ലു​ണ്ടാ​യ കൊ​ക്ക​യാ​റി​ലും കൂ​ട്ടി​ക്ക​ലി​ലും കാ​ണാ​താ​യ​വ​ര്‍​ക്ക് വേ​ണ്ടി​യു​ള്ള ര​ക്ഷാ​പ്ര​വ​ര്‍​ത്ത​നം തു​ട​രു​ക​യാ​ണ്. കൂ​ട്ടി​ക്ക​ലി​ല്‍ ആറു പേ​രെ​യും കൊ​ക്ക​യാ​റി​ല്‍ എ​ട്ട് പേ​രെ​യു​മാ​ണ് ഇ​നി ക​ണ്ടെ​ത്താ​നു​ള്ള​ത്. കൂ​ട്ടി​ക്ക​ലി​ല്‍ 40 അം​ഗ സൈ​ന്യം ഇ​വി​ടെ ര​ക്ഷാ​പ്ര​വ​ര്‍​ത്ത​ന​ത്തി​നെ​ത്തി​യി​ട്ടു​ണ്ട്. കൂടുതൽ രക്ഷാ പ്രവർത്തനങ്ങൾ വ്യാപിപ്പിക്കുകയാണ്.