കാലവര്ഷം അതിശക്തമായതോടെ എല്ലാ പോലീസ് സേനാംഗങ്ങളും കനത്ത ജാഗ്രത പാലിക്കണമെന്ന് സംസ്ഥാന പോലീസ് മേധാവി അനില് കാന്ത്... അടിയന്തിര സാഹചര്യങ്ങളില് പൊതുജനങ്ങള്ക്ക് ഏതുസമയവും 112 എന്ന നമ്പറില് ബന്ധപ്പെടാം
കാലവര്ഷം അതിശക്തമായ സാഹചര്യത്തില് എല്ലാ പോലീസ് സേനാംഗങ്ങളും കനത്ത ജാഗ്രത പാലിക്കണമെന്ന് സംസ്ഥാന പോലീസ് മേധാവി അനില് കാന്ത്. അടിയന്തിര സാഹചര്യങ്ങളില് പൊതുജനങ്ങള്ക്ക് ഏതുസമയവും 112 എന്ന നമ്പറില് ബന്ധപ്പെടാവുന്നതാണ്.
ജില്ലാ കലക്ടര്മാര്, ദുരന്ത നിവാരണ അതോറിറ്റി എന്നിവരുമായി ചേര്ന്ന് പോലീസ് സംവിധാനം പ്രവര്ത്തിക്കുമെന്ന് അറിയിച്ച ഡിജിപി ജില്ലകളില് പ്രത്യേക കണ്ട്രോള് റൂം തുറക്കാനും ആവശ്യപ്പെട്ടു. രക്ഷാപ്രവര്ത്തനങ്ങള്ക്കായി പോലീസ് സ്റ്റേഷനുകളില് പ്രത്യേക സംഘങ്ങള് രൂപീകരിക്കും.
മുഴുവന് പോലീസ് സേനയെയും രക്ഷാദൗത്യ പ്രവര്ത്തനങ്ങള്ക്കായി മൊബിലൈസ് ചെയ്യണമെന്നും ഡിജിപി നിര്ദേശിച്ചു. ദുരിതാശ്വാസ ക്യാമ്ബുകളിലും പോലീസിന്റെ സേവനം ലഭ്യമാക്കും.
കോഴിക്കോട്, വയനാട് ജില്ലകളില് മഴയുടെ ശക്തി കുറഞ്ഞിട്ടുണ്ട്. പത്തനംതിട്ടയിലും ഇടുക്കിയിലും കോട്ടയത്തും മഴയ്ക്ക് ശമനമുണ്ടെങ്കിലും അതിശക്തമാകാന് സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം . സംസ്ഥാനത്ത് പുലര്ച്ചെയോടെ മഴയക്ക് നേരിയ ആശ്വാസമാണ് പല ജില്ലകളിലും റിപ്പോര്ട്ട് ചെയ്യുന്നത്.
https://www.facebook.com/Malayalivartha
