ജപ്തിനടപടികള്ക്ക് ഡിസംബര് 31 വരെ മൊറട്ടോറിയം പ്രഖ്യാപിക്കാന് മന്ത്രിസഭായോഗം തീരുമാനം
ജപ്തി നടപടികള്ക്ക് ഡിസംബര് 31 വരെ മൊറട്ടോറിയം പ്രഖ്യാപിക്കാന് മന്ത്രിസഭായോഗം തീരുമാനിച്ചു. കോവിഡ് പ്രതിസന്ധിക്കു പിന്നാലെ മഴക്കെടുതിയും വന്നതു കണക്കിലെടുത്താണു മന്ത്രിസഭാ യോഗത്തിന്റെ തീരുമാനം. കനത്ത മഴയും ഉരുള്പൊട്ടലും മൂലം കോടിക്കണക്കിന് രൂയുടെ കാര്ഷിക നഷ്ടമുണ്ടായെന്നാണ് വിലയിരുത്തുന്നത്.
കര്ഷകരും മത്സ്യത്തൊഴിലാളികളും ചെറുകിട കച്ചവടക്കാരും വിവിധ ധനകാര്യസ്ഥാപനങ്ങളില്നിന്നും ഹൗസിങ് ബോര്ഡ്, കോ-ഓപ്പറേറ്റീവ് ഹൗസിങ് ഫെഡറേഷന്, പിന്നാക്കവിഭാഗ വികസന കോര്പ്പറേഷന്, വെജിറ്റബിള് ആന്ഡ് ഫ്രൂട്ട് പ്രമോഷന് കൗണ്സില് പോലുള്ള സംസ്ഥാനസര്ക്കാര് ഏജന്സികള്, സഹകരണ ബാങ്കുകള്, റവന്യൂ റിക്കവറി ആക്ട് പ്രകാരം വിജ്ഞാപനംചെയ്തിട്ടുള്ള സ്ഥാപനങ്ങള് എന്നിവയില്നിന്ന് എടുത്ത കാര്ഷിക, വിദ്യാഭ്യാസ, ക്ഷീരവികസന, മൃഗസംരക്ഷണ വായ്പകള്ക്കാകും മൊറട്ടോറിയം.
കര്ഷകരും മത്സ്യത്തൊഴിലാളികളും ചെറുകിട കച്ചടവടക്കാരും വിവിധ ധനകാര്യ സ്ഥാപനങ്ങളില്നിന്നും ഹൗസിങ് ബോര്ഡ്, കോ-ഓപ്പറേറ്റീവ് ഹൗസിങ് ഫെഡറേഷന്, പിന്നാക്ക വിഭാഗ വികസന കോര്പ്പറേഷന്, വെജിറ്റബിള് ആന്ഡ് ഫ്രൂട്ട് പ്രമോഷന് കൗണ്സില് പോലുള്ള സംസ്ഥാന സര്ക്കാര് ഏജന്സികള്, സഹകരണ ബാങ്കുകള് എന്നിവയില്നിന്നും റവന്യു റിക്കവറി ആക്ട് 1968-ലെ 71-ാം വകുപ്പ് പ്രകാരം വിജ്ഞാപനം ചെയ്തിട്ടുള്ള സ്ഥാപനങ്ങളില് നിന്നുമെടുത്ത കാര്ഷിക, വിദ്യാഭ്യാസ, ക്ഷീരവികസന, മൃഗസംരക്ഷണ വായ്പകള്ക്കു മോറട്ടോറിയം ബാധകമാകും.
ദേശസാത്കൃതബാങ്കുകള്, സ്വകാര്യബാങ്കുകള്, ബാങ്കിതര ധനകാര്യ സ്ഥാപനങ്ങള്, മൈക്രോ ഫിനാന്സ് സ്ഥാപനങ്ങള് തുടങ്ങിയവയില്നിന്നുള്ള വായ്പകളിലെ ജപ്തിനടപടികള്ക്ക് ഡിസംബര് 31 വരെ മൊറട്ടോറിയം ദീര്ഘിപ്പിക്കാന് റിസര്വ് ബാങ്കിനോടും സംസ്ഥാനതല ബാങ്കേഴ്സ് സമിതിയോടും ആവശ്യപ്പെടാനും മന്ത്രിസഭായോഗം തീരുമാനിച്ചു.
കൃഷിനാശത്തിന്റെ അടിസ്ഥാനത്തില് സംസ്ഥാനത്തിനു പ്രത്യേക കാര്ഷിക പാക്കേജ് അനുവദിക്കണമെന്നു കേന്ദ്ര സര്ക്കാരിനോട് ആവശ്യപ്പെടാന് തീരുമാനിച്ചിരുന്നു. കാര്ഷിക നഷ്ടത്തിന്റെ വിശദമായ കണക്കെടുപ്പ് തുടങ്ങി.
പ്രകൃതിക്ഷോഭത്തില് അപകടാവസ്ഥയിലായ വീടുകളുടെ കണക്കെടുത്ത് സര്ക്കാരിനു റിപ്പോര്ട്ട് നല്കാന് ബന്ധപ്പെട്ട വകുപ്പുകളോടു നിര്ദേശിച്ചു.
"
https://www.facebook.com/Malayalivartha
