കേരളത്തില് ഇന്നും കനത്ത മഴയ്ക്ക് സാധ്യത.... പതിനൊന്നു ജില്ലകളില് യെല്ലോ അലേര്ട്ട്... മത്സ്യത്തൊഴിലാളികളും തീരദേശവാസികളും ജാഗ്രത പാലിക്കണം
സംസ്ഥാനത്ത് ഇന്നും കനത്ത മഴയ്ക്ക് സാധ്യത. പതിനൊന്ന് ജില്ലകളില് യെല്ലോ അലര്ട്ട് പ്രഖ്യാപിച്ചു. കാസര്കോട് , ആലപ്പുഴ, കണ്ണൂര് ഒഴികെയുള്ള ജില്ലകളിലാണ് യെല്ലോ അലര്ട്ട് പ്രഖ്യാപിച്ചത്.
ഇടിയോട് കൂടിയ മഴ പെയ്യാനുള്ള സാധ്യത ശനിയാഴ്ച വരെയുണ്ടെന്നാണ് കാലാവസ്ഥാ നിരീക്ഷണ കേന്ദ്രത്തിന്റെ പ്രവചനം. നാളെയും മറ്റന്നാളും 9 ജില്ലകളിലും ശനിയാഴ്ച 12 ജില്ലകളിലുമാണ് മഴ മുന്നറിയിപ്പുള്ളത്.
തെക്ക് കിഴക്കന് ബംഗാള് ഉള്ക്കടലില് ചക്രവാതച്ചുഴി രൂപപ്പെട്ടതാണ് മഴ കനക്കാന് കാരണം. അടുത്ത മണിക്കൂറുകളില് ഈ ചക്രവാതച്ചുഴി ന്യൂനമര്ദ്ദമായി മാറാന് സാധ്യത.
മലയോര മേഖലകളില് കൂടുതല് ജാഗ്രത വേണമെന്നും അധികൃതര് മുന്നറിയിപ്പ് നല്കിയിട്ടുണ്ട്. കേരളതീരത്ത് നിലവില് മത്സ്യബന്ധനത്തിന് തടസമില്ല. വ്യാഴാഴ്ച രാത്രി വരെ മൂന്ന് മീറ്റര് വരെ ഉയരത്തില് തിരമാലകള്ക്കും കടലാക്രമണത്തിനും സാദ്ധ്യത ഉള്ളതിനാല് മത്സ്യത്തൊഴിലാളികളും തീരദേശവാസികളും ജാഗ്രത പാലിക്കേണ്ടതാണ്.
https://www.facebook.com/Malayalivartha