കെഎസ്ആര്ടിസിയിലെ ശമ്പള പരിഷ്കരണം സംബന്ധിച്ച് മുഖ്യമന്ത്രി വിളിച്ച മന്ത്രിതല യോഗം ഇന്ന് ... ഗതാഗത മന്ത്രിയും ധനമന്ത്രിയും ചര്ച്ചയില് പങ്കെടുക്കും
കെഎസ്ആര്ടിസിയിലെ ശമ്പള പരിഷ്കരണം സംബന്ധിച്ച് മുഖ്യമന്ത്രി വിളിച്ച മന്ത്രിതല യോഗം ഇന്ന് ഉച്ചതിരിഞ്ഞ് മൂന്ന് മണിക്ക് ചേരും. ഗതാഗത മന്ത്രി ആന്റണി രാജു, ധനമന്ത്രി കെ എന് ബാലഗോപാല് എന്നിവര് ചര്ച്ചയില് പങ്കെടുക്കും.
ശമ്പള പരിഷ്കരണം അനിശ്ചിതമായി വൈകുന്നതില് പ്രതിഷേധിച്ച് നവംബര് അഞ്ചിന് തൊഴിലാളി സംഘടനകള് പണിമുടക്ക് പ്രഖ്യാപിച്ച സാഹചര്യത്തിലാണ് യോഗം ചേരുന്നത്.
അതേസമയം ചാര്ജ് വര്ദ്ധന ആവശ്യപ്പെട്ട് സ്വകാര്യ ബസ് ഉടമകള് നവംബര് ഒമ്പത് മുതല് സര്വ്വീസ് നിര്ത്തിവയ്ക്കുമെന്ന് പ്രഖ്യാപിച്ചിട്ടുണ്ട്.
ഇക്കാര്യവും യോഗം ചര്ച്ച ചെയ്യും. കെഎസ്ആര്ടിസിയിലെ ശമ്പളപരിഷ്കരണം ചര്ച്ച ചെയ്യാന് കഴിഞ്ഞ ദിവസം എംഡി വിളിച്ച് ചേര്ത്ത യോഗം തീരുമാനമാകാതെയാണ് പിരിഞ്ഞത്.
അക്കാരണത്താല് പണിമുടക്കുമായി മുന്നോട്ട് പോകുമെന്ന് തൊഴിലാളി യൂണിയനുകള് ഇതിന് ശേഷം അറിയിച്ചത്. പ്രതിപക്ഷ ട്രേഡ് യൂണിയനായ ടിഡിഎഫ് നവംബര് 5 , 6 തിയതികളിലും എംപ്ളോയീസ് സംഘ് നവംബര് 5 നും പണിമുടക്കും.ഭരാണാനുകൂല സംഘടനയായ എംപ്ളോയീസ് അസോസിയേഷന് നവംബര് 5 നാണ് പണിമുടക്ക് പ്രഖ്യാപിച്ചിരിക്കുന്നത്.
കെഎസ്ആര്ടിസികടുത്ത സാമ്പത്തിക പ്രതിസന്ധിയിലൂടെയാണ് കടന്നുപോകുന്നത്. ഒക്ടോബര് മാസം അവസാനിക്കാന് ഒരാഴ്ച മാത്രം ബാക്കി നില്ക്കുമ്പോഴും കെഎസ്ആര്ടിസിയില് ഈ മാസത്തെ പെന്ഷന് ഇതുവരെ വിതരണം ചെയ്തിട്ടില്ല. ഇതു മാത്രം ആശ്രയിച്ച് ജീവിക്കുന്നവര് വളരെയേറെയാണ്. പെന്ഷന് വിതരണം ചെയ്ത വകയില് സഹകരണ ബാങ്കുകള്ക്ക് സര്ക്കാരില് നിന്നും മൂന്നുമാസത്തെ കുടിശികയുണ്ട്.
ഇത് ലഭിക്കാതെ തുടര്ന്ന് പെന്ഷന് നല്കാനാകില്ലെന്നാണ് സഹകരണ ബാങ്കുകളുടെ നിലപാട്. പണം കണ്ടെത്താനുള്ള നടപടികള് പുരോഗമിക്കുന്നുവെന്നാണ് ധനവകുപ്പിന്റെ വിശദീകരണം. പത്തുവര്ഷം മുമ്പുള്ള ശമ്പളമാണ് ഇപ്പോഴും ജീവനക്കാര്ക്ക് കിട്ടുന്നത്.
"
https://www.facebook.com/Malayalivartha