കണ്മുന്നില് വെട്ടേറ്റുവീണ ഭര്ത്താവ് ജീവനോടെ തിരിച്ചുവരുമെന്നോര്ത്തുള്ള കാത്തിരിപ്പ് വെറുതെയായി.... സഞ്ജിത്തിന്റെ മൃതദേഹം വീട്ടിലെത്തിച്ചപ്പോള് അലറി കരഞ്ഞ് അര്ഷിക, കണ്ടു നില്ക്കാനാവാതെ ബന്ധുക്കളും നാട്ടുകാരും, ആ കാഴ്ച കണ്ണീര്ക്കാഴ്ചയായി
കണ്മുന്നില് വെട്ടേറ്റുവീണ ഭര്ത്താവ് ജീവനോടെ തിരിച്ചുവരുമെന്നോര്ത്തുള്ള കാത്തിരിപ്പ് വെറുതെയായി.... അവസാനമായി തന്റെ പ്രിയതമനെ ഒരുനോക്കു കാണാനായി എലപ്പുള്ളിയിലെ വീട്ടിലെ മുറിയില് മരവിച്ച അവസ്ഥയില് ഒരേ ഇരിപ്പായിരുന്നു അര്ഷിക. ഇടയ്ക്ക് കുഞ്ഞ് കരഞ്ഞപ്പോള് സമാധാനിപ്പിച്ചു.
കാത്തിരിപ്പിന് വിരാമമിട്ട് വൈകുന്നേരത്തോടെ സഞ്ജിത്തിന്റെ മൃതദേഹം വീട്ടിലെത്തിച്ചപ്പോള് തലയടിച്ച് കരഞ്ഞ അര്ഷികയെ സമാധാനിപ്പിക്കാന് ആര്ക്കുമായില്ല.
ഹരേ..രാമ പ്രാര്ഥനകളോടെയും ഭാരത് മാതാ കീ ജയ് വിളികളോടെയും മൃതശരീരം വീട്ടുമുറ്റത്തെ കട്ടിലില് കിടത്തിയപ്പോഴേക്കും ആള്ക്കൂട്ടത്തെ നിയന്ത്രിക്കാന് കഴിയാതെയായി. തിക്കുംതിരക്കുമായി. ഇതിനിടെ, സങ്കടം ഉള്ളിലൊതുക്കി മകനെ അവസാനമായി ഒരുനോക്ക് കാണാന് അച്ഛന് ആറുച്ചാമി എത്തി, മകന് അന്തിമോപചാരമര്പ്പിച്ചു.
മൃതദേഹവുമായി ആംബുലന്സ് വീട്ടുപടിക്കലെത്തിയതുമുതല് കതകില്ത്താങ്ങി കരഞ്ഞ് തളര്ന്നുനിന്ന് അമ്മ. ''അമ്മ വിളിക്കുവാടാ പൊന്നുമോനേ, ഞാനിപ്പോ ആശുപത്രിയില് കൊണ്ടുപോകാമെടാ.. എന്ന് അമ്മയുടെ നിലവിളി.
മൃതദേഹംകണ്ട് നിലത്തു വീണുകരഞ്ഞ അമ്മയെ തിരികെ വീട്ടിനുള്ളിലാക്കാന് ഒപ്പമുണ്ടായിരുന്നവര് പാടുപെട്ടു. ഏഴരയോടെ മൃതദേഹം ചന്ദ്രനഗര് വൈദ്യുത ശ്മശാനത്തിലേക്ക് കൊണ്ടുപോയി. കണ്ടു നില്ക്കാനാവാതെ ബന്ധുക്കളും നാട്ടുകാരും, ആ കാഴ്ച കണ്ണീര്ക്കാഴ്ചയായിമാറി.
"
https://www.facebook.com/Malayalivartha
