സി.എ.ജിക്കെതിരെ പരോക്ഷ വിമർശനവുമായി മുഖ്യമന്ത്രി പിണറായി വിജയൻ. സാഡിസ്റ്റ് മനോഭാവമുള്ള ചിലർ കിഫ്ബിയെ തകർക്കാൻ ശ്രമിക്കുന്നതായി മുഖ്യമന്ത്രി പറഞ്ഞു. കേരളം ഒരിഞ്ചു പോലും മുന്നോട്ട് പോകാതിരിക്കാനാണ് ചിലരുടെ ശ്രമങ്ങളെന്നും തുടങ്ങിവച്ച വികസന പ്രവർത്തനങ്ങൾ ഒന്നും മുടക്കില്ലെന്നും മുഖ്യമന്ത്രി പറഞ്ഞു.

നിയമസഭയിൽ 2019 -2020 ലെ ഓഡിറ്റ് റിപ്പോർട്ട് സമർപ്പിച്ചതുമായി ബന്ധപ്പെട്ട വിഷയങ്ങളിൽ കിഫബിക്കെതിരെ സി.എ.ജി വലിയ വിമർശനങ്ങൾ ഉയർത്തിയിരുന്നു. ഇതിന്റെ പശ്ചാത്തലത്തിൽ ഉടലെടുത്ത വിവാദങ്ങൾ സഭയ്ക്ക് അകത്തും പുറത്തും പ്രതിപക്ഷം ഉയർത്തിക്കാട്ടിയതിന് പിന്നാലെയാണ് സി.എ.ജിക്കെതിരെ പരോക്ഷ വിമർശനവുമായി മുഖ്യമന്ത്രി രംഗത്തെത്തിയത്. സാഡിസ്റ്റ് മനോഭാവമുള്ള ചിലർ കിഫബിയെ തകർക്കാൻ ശ്രമിക്കുന്നതായി മുഖ്യമന്ത്രി പറഞ്ഞു. എത്രശ്രമിച്ചാലും സർക്കാർ മുന്നോട്ടുവച്ച വികസന പ്രവർത്തനങ്ങളിൽ നിന്നും പിന്നോട്ട് പോകില്ലെന്നും മുഖ്യമന്ത്രി വ്യക്തമാക്കി.

രാജ്ഭവനിൽ ചാൻസിലേഴ്‌സ് അവാർഡ് വിതരണം ചെയ്യുന്ന ചടങ്ങിലായിരുന്നു മുഖ്യമന്ത്രി സി.എ.ജിക്കെതിരെ വിമർശനവുമായി രംഗത്തെത്തിയത്ത്.

കിഫ്ബിക്കെതിരായി സി.എ.ജിയുടെ തുടർ പ്രഹരങ്ങൾ വന്നുകൊണ്ടിരിക്കുന്നതിന് പിന്നാലെയാണ് വിഷയത്തിൽ രാഷ്ട്രീയമായ പ്രതികരണവുമായി മുഖ്യമന്ത്രി തന്നെ രംഗത്തെത്തിയത്.