​ജനഹിതമറിഞ്ഞ് തീരുമാനമെടുത്ത പ്രിയപ്പെട്ട മുഖ്യമന്ത്രിക്ക് ഹൃദയാഭിവാദ്യങ്ങളുമായി രാഹുൽ മാങ്കൂട്ടത്തിൽ. ഇനിയെങ്കിലും അല്പമെങ്കിലും ഉളുപ്പോ കരളലിവോ തിരഞ്ഞെടുത്ത ജനങ്ങളോട് പ്രതിബദ്ധതയുമുണ്ടെങ്കിൽ ഇവിടെയും നികുതി കുറയ്ക്കുവാൻ തയ്യാറാകണമെന്നും അദ്ദേഹം ഫേസ്ബുക്കിൽ പങ്കു വച്ച കുറിപ്പിൽ പറയുന്നു. .അദ്ദേഹത്തിന്റെ കുറിപ്പിന്റെ പൂർണ്ണ രൂപം ഇങ്ങനെ ;

​ജനഹിതമറിഞ്ഞ് തീരുമാനമെടുത്ത പ്രിയപ്പെട്ട മുഖ്യമന്ത്രിക്ക് ഹൃദയാഭിവാദ്യങ്ങൾ.നരേന്ദ്ര മോദി രാജ്യത്തെ ജനങ്ങളെ, ഇന്ധന നികുതിയുടെ പേരിൽ കൊള്ളയടിക്കുമ്പോൾ സ്വന്തം സംസ്ഥാനത്തെ ജനങ്ങൾക്ക് നേർത്തൊരു ആശ്വാസമാകുവാൻ സംസ്ഥാന സർക്കാർ ഈടാക്കുന്ന മൂല്യവർദ്ധിത നികുതിയിൽ നിന്ന് പെട്രോളിന് 4 രൂപയും ഡീസലിനു 5 രൂപയും കുറയ്ക്കുവാനുള്ള സംസ്ഥാന സർക്കാരിന്റെയും മുഖ്യമന്ത്രിയുടെയും തീരുമാനം അഭിനന്ദനീയമാണ്.

ഈ പറഞ്ഞത് രാജസ്ഥാൻ സർക്കാരിന്റെയും അശോക് ഗെഹ്ലോട്ടിന്റെയും കാര്യമാണ്. പിന്നെയെന്തിനാണ് വിജയന്റെ ചിത്രമെന്ന് ചോദിച്ചാൽ, ഈ വിജയനും വിജയന്റെ പാർട്ടിക്കാരുമാണ് ഇവിടെ വില കുറയ്ക്കാത്തതിനെ പറ്റി ചോദിക്കുമ്പോൾ രാജസ്ഥാൻ രാജസ്ഥാൻ എന്ന് വിലപിച്ചു കൊണ്ടിരുന്നത്. ഇനിയെങ്കിലും അല്പമെങ്കിലും ഉളുപ്പോ കരളലിവോ തിരഞ്ഞെടുത്ത ജനങ്ങളോട് പ്രതിബദ്ധതയുമുണ്ടെങ്കിൽ ഇവിടെയും നികുതി കുറയ്ക്കുവാൻ തയ്യാറാകണം.