ചായ കുടിച്ചിട്ടു വരാമെന്നു പറഞ്ഞു പോയ യാത്ര അന്ത്യയാത്രയായി.... റോഡ് കുറുകെ കടക്കുമ്പോള് പോലീസ് ഉദ്യോഗസ്ഥന് ടിപ്പര് ലോറിക്കടിയില്പ്പെട്ട് മരിച്ചു....ജോലികഴിയാന് അരമണിക്കൂര് മാത്രം ശേഷിക്കെയാണ് മരണം ടിപ്പര്ലോറിയുടെ രൂപത്തില് ജോണ്സണെ തേടിയെത്തിയത്
ചായ കുടിച്ചിട്ടു വരാമെന്നു പറഞ്ഞു പോയ യാത്ര അന്ത്യയാത്രയായി.... റോഡ് കുറുകെ കടക്കുമ്പോള് പോലീസ് ഉദ്യോഗസ്ഥന് ടിപ്പര് ലോറിക്കടിയില്പ്പെട്ട് മരിച്ചു.... താലൂക്ക് ആശുപത്രി എയ്ഡ്പോസ്റ്റില് ഡ്യൂട്ടിയിലായിരുന്ന ജോണ്സണ്, ആശുപത്രിക്ക് എതിര്വശത്തുള്ള കടയിലേക്കു പോകാനായി റോഡ് കുറുകെ കടക്കുമ്പോഴാണ് അപകടം.
ഇന്നലെ രാവിലെ എട്ടുവരെയായിരുന്നു കൊട്ടാരക്കര സ്റ്റേഷനിലെ ഗ്രേഡ് എസ്.ഐ. സി.സി.ജോണ്സണ് ഡ്യൂട്ടി. ജോലികഴിയാന് അരമണിക്കൂര് മാത്രം ശേഷിക്കെയാണ് മരണം ടിപ്പര്ലോറിയുടെ രൂപത്തില് ജോണ്സണെ തേടിയെത്തിയത്. റെയില്വെ പോലീസില് ഡെപ്യൂട്ടേഷനിലായിരുന്ന ജോണ്സണ് രണ്ടാഴ്ചമുന്പാണ് കൊട്ടാരക്കര സ്റ്റേഷനില് തിരിച്ചെത്തിയത്.
കഴിഞ്ഞദിവസം പോലീസുകാരന് ഉള്പ്പെടെ പത്തുപേര്ക്ക് നഗരത്തില് തെരുവുനായയുടെ കടിയേറ്റിരുന്നു. ചികിത്സതേടി താലൂക്ക് ആശുപത്രിയിലെത്തിയവരുടെ വിവരങ്ങള് ശേഖരിക്കാന് ജോണ്സണ് സജീവമായി ഉണ്ടായിരുന്നു. താലൂക്ക് ആശുപത്രി എയ്ഡ്പോസ്റ്റില് ഡ്യൂട്ടിയിലായിരുന്നു ജോണ്സണ്. ചായകുടിച്ചിട്ടു വരട്ടെ എന്നുപറഞ്ഞാണ് ആശുപത്രിയില് നിന്നു പുറത്തേക്കിറങ്ങിയതെന്ന് ഒപ്പമുണ്ടായിരുന്നവര് പറയുന്നു. നിമിഷങ്ങള്ക്കുള്ളില് ടിപ്പര്ലോറിക്കടിയില്പ്പെട്ട് മരിക്കുകയായിരുന്നു.
കൊട്ടാരക്കര സ്റ്റേഷനിലെ ഗ്രേഡ് എസ്.ഐ. പൂയപ്പള്ളി സ്വദേശി ഇളമ്പല് കടശ്ശേരി മലമുകളില് കിരണ്നിവാസില് സി.സി.ജോണ്സണ് (54) ആണ് ദാരുണമായി മരിച്ചത്. താലൂക്ക് ആശുപത്രി എയ്ഡ്പോസ്റ്റില് ഡ്യൂട്ടിയിലായിരുന്ന ജോണ്സണ്, ആശുപത്രിക്ക് എതിര്വശത്തുള്ള കടയിലേക്കു പോകാനായി റോഡ് കുറുകെ കടക്കുമ്പോഴാണ് അപകടം.
തിരക്കേറിയ റോഡിലൂടെ വന്ന ടിപ്പര്ലോറിയുടെ ചക്രങ്ങള്ക്കിടയില്പ്പെടുകയായിരുന്നു. പാറപ്പൊടിയുമായി കൊല്ലം ഭാഗത്തേക്കുപോയ ലോറിയുടെ പിന്ചക്രം കയറിയിറങ്ങി ജോണ്സണ് തത്ക്ഷണം മരിച്ചു. മൃതദേഹം താലൂക്ക് ആശുപത്രി മോര്ച്ചറിയിലേക്കു മാറ്റി.
https://www.facebook.com/Malayalivartha
