ഭർത്താവ് മരിച്ച് രണ്ട് മാസത്തിന് ശേഷം മകനെ വിഷം കൊടുത്ത് കൊന്ന് ഭാര്യയും മരിച്ചു.. അന്ന് സൂര്യൻ മരിച്ചതിന്റെ മാനസിക പിരിമുറുക്കം മൂലമാണെന്നായിരുന്നു ഇരുവരുടെയും ആത്മഹത്യയെന്ന് ആദ്യം പുറത്തുവന്ന വാ‌ർത്ത. എന്നാൽ മരണത്തിന് കാരണം സൂര്യന്റെ പിതാവിന്റെ മാനസിക പീ‌ഡനമാണെന്ന് വിവരം ഇപ്പോൾ പുറത്തുവരുന്നത്..

ബന്ധുക്കളുടെ പരാതിയിൽ ചെങ്ങന്നൂർ പൊലീസ് അന്വേഷണം തുടങ്ങിയിട്ടുണ്ട്.ചെങ്ങന്നൂരിൽ ആലയിലെ വീട്ടിലാണ് അദിതിയും കുഞ്ഞും മരിച്ചത്. അദിതിയുടെ ഭർത്താവിന്റെയും ഭർത്തൃമാതാവിന്റെയും മരണത്തിന് കാരണം ശരിയായ ചികിത്സ നൽകാൻ ഭർതൃപിതാവ് തയ്യാറാകാത്തത് കാരണമാണെന്ന് പറയപ്പെടുന്നുണ്ട്. മരിക്കുന്നതിന് മുൻപ് അദിതി ഇക്കാര്യങ്ങൾ വ്യക്തമാക്കിയ വീഡിയോയും ആത്മഹത്യാ കുറിപ്പും അദിതിയുടെ കുടുംബം പുറത്തുവിട്ടു.

അദിതിയുടെ ഭർത്താവ് സൂര്യൻ.ഡി നമ്പൂതിരി കൊവിഡ് ബാധിച്ച് മരിച്ചിരുന്നു. ഇതിന് ശേഷം സൂര്യന്റെ അമ്മ ശ്രീദേവി അന്തർജനവും കൊവിഡ് ബാധിച്ച് മരിച്ചിരുന്നു.