ബസ് ചാര്‍ജ് വര്‍ദ്ധന... ബസ് ഉടമകളുമായി ഗതാഗതമന്ത്രി ആന്റണി രാജു ഇന്നു നടത്തുന്ന ചര്‍ച്ചയില്‍ തീരുമാനമുണ്ടാകും. മിനിമം ചാര്‍ജ് 10 രൂപയായി വര്‍ധിപ്പിക്കാന്‍ സാധ്യതയുണ്ടെന്നാണു സൂചന.

കഴിഞ്ഞ ചര്‍ച്ചയില്‍ നിരക്ക് കൂട്ടുന്ന കാര്യം സര്‍ക്കാര്‍ ഉറപ്പു നല്‍കിയിരുന്നു. ഇന്നു വൈകിട്ട് നാലരയ്ക്കു തിരുവനന്തപുരത്തു വച്ചാണ് ചര്‍ച്ച. മിനിമം ചാര്‍ജ് 12 രൂപയായി ഉയര്‍ത്തുക, വിദ്യാര്‍ഥികളുടെ കണ്‍സെഷന്‍ മിനിമം ആറു രൂപയാക്കുക തുടങ്ങിയവയായിരുന്നു ബസ് ഉടമകള്‍ മുന്നോട്ടുവച്ച പ്രധാന ആവശ്യങ്ങള്‍.

ഇതില്‍ ചാര്‍ജ് വര്‍ധനക്ക് ഇടതുമുന്നണി യോഗത്തില്‍ ധാരണയായിരുന്നു. രണ്ടര കിലോമീറ്ററിനു മിനിമം എട്ടു രൂപയില്‍ നിന്ന് 10 രൂപ ആക്കണമെന്നു ജസ്റ്റീസ് രാമചന്ദ്രന്‍ കമ്മീഷന്‍ ശിപാര്‍ശ ചെയ്തിരുന്നു.