താന്‍ ഉന്നയിച്ച പ്രശ്‌നങ്ങള്‍ ഹൈക്കമാന്‍ഡും സര്‍ക്കാരും മനസിലാക്കിയതില്‍ സന്തോഷം.... രാജസ്ഥാന്‍ മന്ത്രിസഭാ പുനഃസംഘടനയില്‍ സന്തോഷമുണ്ടെന്ന് കോണ്‍ഗ്രസ് നേതാവ് സച്ചിന്‍ പൈലറ്റ്.

പാര്‍ട്ടിയും നേതൃത്വവും സ്വീകരിച്ച നടപടി നല്ല സന്ദേശമാണ് നല്‍കുന്നത്. പാര്‍ട്ടിയും നേതൃത്വവും ചര്‍ച്ചകള്‍ക്കൊടുവിലാണ് തീരുമാനമെടുത്തത്. എല്ലാവരുടെയും അഭിപ്രായം പ്രധാനമാണ്.

ആശങ്കകള്‍ പരിഹരിച്ചതില്‍ സന്തോഷമുണ്ട്. എന്നാല്‍ ഈ നീക്കം ആളുകളെ ഉത്തേജിപ്പിക്കാന്‍ സഹായിക്കും. 2023ലെ തെരഞ്ഞെടുപ്പില്‍ തങ്ങള്‍ വിജയിക്കുമെന്നും പൈലറ്റ് പറഞ്ഞു.


അതേസമയം രാജസ്ഥാനില്‍ അശോക് ഖലോട്ടിന്റെ പുതിയ മന്ത്രിസഭയില്‍ 30 മന്ത്രിമാരുണ്ടാകുമെന്ന് സൂചന. ഇതില്‍ മുന്‍ ഉപമുഖ്യമന്ത്രി സച്ചിന്‍ പൈലറ്റിന്റെ ക്യാമ്പിലെ അഞ്ച് പേരും ഉണ്ടാകും. പുനഃസംഘടനയില്‍ 15 പുതുമുഖങ്ങളെയാണ് പരിഗണിക്കുന്നത്.

അവരില്‍ നാല് പേര്‍ ജൂനിയര്‍ മന്ത്രിമാരായിരിക്കും. പൈലറ്റിന്റെ വിശ്വസ്തരായ ഹേമരം ചൗധരി, വിശ്വേന്ദ്ര സിംഗ്, രമേഷ് മീണ എന്നിവര്‍ മന്ത്രിമാരായി സത്യപ്രതിജ്ഞ ചെയ്യും. ബ്രിജേന്ദ്ര സിംഗ് ഓലയും മുരാരി ലാല്‍ മീണയും സഹമന്ത്രിമാരാകും. സച്ചിനൊപ്പം കഴിഞ്ഞ വര്‍ഷം ജൂലൈയില്‍ ഖലോട്ട് മന്ത്രിസഭയില്‍നിന്നും പുറത്താക്കിയ വിശ്വേന്ദ്ര സിംഗ്, രമേഷ് മീണ എന്നിവരുടെ തിരിച്ചുവരവിനും പു നഃസംഘടന വഴിയൊരുക്കി. പുതിയ മന്ത്രിസഭയില്‍ വിശ്വേന്ദ്ര സിംഗ് ടൂറിസവും ദേവസ്വവും കൈകാര്യം ചെയ്യും. മീണയ്ക്കു ഭക്ഷ്യവകുപ്പാണ് നല്‍കുക. മഹേന്ദ്രജിത് സിംഗ് മാളവ്യ, രാംലാല്‍ ജാട്ട്, മഹേഷ് ജോഷി, മമത ഭൂപേഷ്, ടിക്കാറാം ജൂലി, ഭജന്‍ ലാല്‍ യാദവ്, ഗോവിന്ദ് റാം മേഘ്വാള്‍, ശകുന്തള റാവത്ത് എന്നിവരാണ് മറ്റ് പുതുമുഖങ്ങള്‍.