ദേശീയ ഗെയിംസിന്റെ സംസ്ഥാന പതിപ്പായി കേരള ഒളിമ്പിക് ഗെയിംസിനെ വളർത്താൻ കേരള ഒളിമ്പിക് ...

ദേശീയ ഗെയിംസിന്റെ സംസ്ഥാന പതിപ്പായി കേരള ഒളിമ്പിക് ഗെയിംസിനെ വളർത്താൻ കേരള ഒളിമ്പിക് അസോസിയേഷന് കഴിയണം; മന്ത്രി വി ശിവൻകുട്ടി

23 DECEMBER 2021 07:01 AM IST

മലയാളി വാര്‍ത്ത

കേരളത്തിന്റെ അഭിമാനമായിരുന്ന ഉന്നത വിദാഭ്യാസരംഗത്തെയും ഈ സര്‍ക്കാര്‍ തകര്‍ത്ത് തരിപ്പണമാക്കിയെന്ന് പ്രതിപക്ഷ നേതാവ്

തന്റെ ജീവന്‍ രക്ഷിച്ചത് സ്വകാര്യ ആശുപത്രിയെന്ന് മന്ത്രി സജി ചെറിയാന്‍

ടിപ്പര്‍ ലോറിയുടെ ടയര്‍ മാറ്റുന്നതിനിടയില്‍ വൈദ്യുതി ലൈനില്‍ തട്ടി യുവാവിന് ദാരുണാന്ത്യം

കോന്നിയിലെ പാറമടയില്‍ ഹിറ്റാച്ചിക്ക് മുകളിലേക്ക് കൂറ്റന്‍ പാറക്കല്ല് വീണ് അപകടം

ദേശീയ ഗെയിംസിന്റെ സംസ്ഥാന പതിപ്പായി കേരള ഒളിമ്പിക് ഗെയിംസിനെ വളർത്താൻ കേരള ഒളിമ്പിക് അസോസിയേഷന് കഴിയണമെന്ന് പൊതുവിദ്യാഭ്യാസവും തൊഴിലും വകുപ്പ് മന്ത്രി വി ശിവൻകുട്ടി. ഒന്നാമത് കേരള ഒളിമ്പിക് ഗെയിംസ് ഭാഗ്യചിഹ്ന പ്രകാശനകർമ്മം നിർവഹിച്ച് സംസാരിക്കുകയായിരുന്നു മന്ത്രി. 24 ഒളിമ്പിക് കായിക ഇനങ്ങളിൽ ആണ് മത്സരങ്ങൾ നടക്കുന്നത്. സംസ്ഥാന ഗെയിംസിന് മുന്നോടിയായി 14 ജില്ലയിലും ജില്ലാ ഒളിമ്പിക് അസോസിയേഷന്റെ മേൽനോട്ടത്തിൽ ജില്ലാ ഗെയിംസ് നടത്തും. ജില്ലാ ഗെയിംസിൽ നിന്ന് തിരഞ്ഞെടുക്കുന്ന കായിക താരങ്ങളും ടീമകളുമായിരിക്കും സംസ്ഥാന ഗെയിംസിൽ പങ്കെടുക്കുക കോവിഡ് മഹാമാരി കാരണം കഴിഞ്ഞ 20 മാസമായി നിർജീവമായ കായിക മേഖലക്കു ഉത്തേജനം നൽകുവാൻ ജില്ലാ -സംസ്ഥാന ഗെയിംസിലൂടെ കഴിയുമെന്ന് കരുതുന്നു. കേരള ഒളിമ്പിക് ഗെയിംസ് എന്ന ആശയത്തിലൂടെ നമ്മുടെ കായിക താരങ്ങൾക്ക് ഒരു മത്സരവേദി കൂടി തുറന്നു കിട്ടുകയാണ്. കൂടുതൽ മത്സരങ്ങളിൽ പങ്കെടുക്കുവാൻ അവസരം കിട്ടുന്നത് കായിക താരങ്ങൾക്ക് ഏറെ ഗുണം ചെയ്യും എന്നതിൽ തർക്കമില്ല. കേരള ഒളിമ്പിക് ഗെയിംസിനോട് അനുബന്ധിച്ചു സംഘടിപ്പിക്കുന്ന ഒളിമ്പിക് എക്സ്പൊ ഒരു നൂതന ആശയമാണെന്ന് മന്ത്രി പറഞ്ഞു . കായിക മത്സരത്തോടൊപ്പം കായിക ഉപകരണങ്ങളുടെ പ്രദർശനവും വ്യവസായ, വാണിജ്യ, പുഷ്പ-ഫല-സസ്യ പ്രദർശനവും, ഭക്ഷ്യ മേളയും തലസ്ഥാന നഗരിയിലെ കായിക പ്രേമികളായ പൊതുജനങ്ങൾക്ക്‌ ഒരു പുത്തൻ അനുഭവമായിരിക്കും. കേരള ഒളിമ്പിക് ഗെയിംസ് വിവിധ ജില്ലകളിൽ മാറി മാറി നടത്തുകയാണെങ്കിൽ സംസ്ഥാനത്തെ എല്ലാ ജില്ലകളിലും ഒരു പുത്തൻ ഉണർവ് ഈ രംഗത്ത് കൊണ്ടു വരുവാൻ കഴിയുമെന്നും മന്ത്രി വി ശിവൻകുട്ടി കൂട്ടിച്ചേർത്തു.