വിഎസിന്റെ മുഖ്യമന്ത്രി മോഹം തകര്‍ക്കാന്‍ പിണറായി പക്ഷം അദ്ദേഹത്തെ എസ് എന്‍ ഡിപിക്കെതിരെ തിരിക്കുന്നു. എക്കാലവും അച്യുതാനന്ദനു വേണ്ടി ജീവിച്ച വെള്ളാപ്പള്ളി നടേശനെ അച്യുതാനന്ദനെതിരെ തിരിക്കുക എന്ന പിണറായിയുടെ പ്രവര്‍ത്തനം ലക്ഷ്യം കാണുകയും ചെയ്തു. ഫലത്തില്‍ എസ്എന്‍ഡിപിയ്‌ക്കെതിരായ സമരത്തില്‍ സിപിഎം മുന്നില്‍ നിര്‍ത്തിയിരിക്കുന്നത് വിഎസ് അച്യുതാനന്ദനെയാണ്.
ശ്രീനാരായണ ജയന്തി ആഘോഷത്തിലാണ് സിപിഎം വിഎസിനെ എസ്എന്‍ഡിപിക്കെതിരെച്ചത്. ആലപ്പുഴ ജില്ലയിലെ കുട്ടനാട്ട് എസ്എന്‍ഡിപി യോഗം നടത്തിയ പരിപാടി വിഎസ് അച്യുതാനന്ദനെ ഉപയോഗിച്ച് പൊളിക്കാനാണ് സിപിഎം ആലോചിച്ചത്. എന്നാല്‍ എസ്എന്‍ഡിപി യോഗത്തിന്റെ സമയോചിതമായ ഇടപെടല്‍ കാരണം അത് നടക്കാതെ പോയി.
ഈഴവ സമുദായത്തെ രണ്ടായി പിളര്‍ക്കാനാണ് സിപിഎം തീരുമാനം. ഇക്കാര്യം മുന്നില്‍ കണ്ട് വെള്ളാപ്പള്ളി നടേശന്‍ തന്നെ സിപിഎമ്മിന്റെ അടവുതന്ത്രം പൊളിക്കാന്‍ രംഗത്തിറങ്ങുകയായിരുന്നു. നേരത്തെയും എസ്എന്‍ഡിപിയുടെ ശ്രമങ്ങള്‍ പൊളിക്കാന്‍ സിപിഎം ആലോചനകള്‍ നടത്തിയിരുന്നു, എല്ലാ തന്ത്രങ്ങള്‍ക്കും മുന്നില്‍ നിര്‍ത്തേണ്ടത് വിഎസിനെയാണെന്നാണ് പാര്‍ട്ടി സംസ്ഥാന കമ്മിറ്റിയുടെ തീരുമാനം.ഈഴവര്‍ ഒപ്പമില്ലെങ്കില്‍ വിഎസിന് ജയിക്കാനാവില്ലെന്ന് പിണറായിക്കറിയാം. നാരായണഗുരുവിനെ ഈഴവ സ്വാമിയാക്കാന്‍ ശ്രമിക്കുകയാണെന്ന പുതിയ ആരോപണവും അച്യുതാനന്ദന്‍ ഉന്നയിച്ചിട്ടുണ്ട്.
ശ്രീനാരായണ ദിനത്തില്‍ വെള്ളാപ്പള്ളിയ്‌ക്കെതിരായ പ്രസ്താവനകള്‍ കൊണ്ട് പത്രങ്ങള്‍ നിറയ്ക്കണമെന്ന ലക്ഷ്യവും സിപിഎമ്മിനുണ്ടായിരുന്നു. ഏതായാലും സിപിഎമ്മിന്റെ ശ്രമങ്ങള്‍ ഫലം കണ്ടെന്നു വേണം കരുതാന്‍. വിഎസാകട്ടെ തനിക്കെതിരെ നടക്കുന്ന ശ്രമങ്ങളില്‍ തൃപ്പത്തനല്ല. നഷ്ടം സംഭവിക്കുന്നത് തനിക്ക് തന്നെയാണെന്ന് വിഎസ് ആലോചിക്കുന്നില്ല സിപിഎമ്മിന്റെ ഒരു പരിപാടിക്കും വിഎസിനെ ആലപ്പുഴ ജില്ലയില്‍ പങ്കെടുപ്പിക്കാറുണ്ടായിരുന്നില്ല. എന്നിട്ടാണ് വെള്ളാപ്പള്ളിക്ക് എതിരായ യോഗത്തില്‍ വിഎസിനെ സിപിഎം ചാവേറാക്കിയത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha