ചെറിയാൻ ഫിലിപ്പ് പ്രതികരിക്കുന്നു എന്ന യൂട്യൂബ് ചാനലിന്റെ ഔപചാരിക ഉദ്‌ഘാടനം തിരുവനന്തപുരം പ്രസ്സ് ക്ലബിൽ പ്രതിപക്ഷ നേതാവ് വി.ഡി സതീശൻ നിർവഹിച്ചു. ശരിയെന്ന് തോന്നുന്ന കാര്യങ്ങൾ വെട്ടി തുറന്നു പറയുക എന്റെ ശീലമായിരുന്നു. സത്യം കണ്ടെത്തുക എന്നതാണ് ഈ ചാനലിലൂടെ ലക്‌ഷ്യം വയ്ക്കുന്നത്. സമൂഹത്തിലുണ്ടാകുന്ന പല വിഷയങ്ങൾക്ക് പിന്നിൽ മറഞ്ഞിരിക്കുന്ന സത്യം വെളിച്ചത്ത് കൊണ്ട് വരാനാണ് തന്റെ ചാനലിലൂടെ ഉദ്ദേശിക്കുന്നതെന്ന് ചെറിയാൻ ഫിലിപ്പ് പറഞ്ഞു.

ഏത് പ്രശ്നത്തിത്തിന്റെയും സത്യാവസ്ഥ തെളിവുകളുടെ അടിസ്ഥാനത്തിൽ പുറത്ത് കൊണ്ട് വരാൻ ചാനലിലൂടെ ശ്രമിക്കും. കേന്ദ്ര സംസ്ഥാന സർക്കാരുകൾ നല്ലത് ചെയ്താൽ നല്ലതെന്നും തെറ്റ് ചെയ്താൽ എതിർക്കുകയും ചെയ്യും. ഇന്ന് മാധ്യമങ്ങൾക്ക് സ്വതന്ത്രമായി പ്രവർത്തിക്കാൻ കഴിയുന്നില്ല. പല ശക്തികളും അവരെ നിയന്ത്രിക്കുന്നു. അതുകൊണ്ടാണ് ജനാധിപത്യ വേദിയായ സോഷ്യൽ മീഡിയ തെരഞ്ഞെടുത്തതെന്നും അദ്ദേഹം പറഞ്ഞു.

കൂടുതൽ വിവരങ്ങൾക്കായി വീഡിയോ കാണുക