വിവിധ ആവശ്യങ്ങള്‍ ഉന്നയിച്ചു സംയുക്ത ട്രേഡ് യൂണിയനുകള്‍ നടത്തുന്ന ദേശീയ പണിമുടക്ക് കേരളത്തില്‍ പൂര്‍ണ്ണം. കേരളത്തിലൊഴികെ മറ്റു സംസ്ഥാനങ്ങളിലെല്ലാം പണിമുടക്കിന് ജനങ്ങളില്‍ ഒരു തരത്തിലും സ്വാധീനം ചെലുത്താനായിട്ടില്ലന്നാണ് റിപ്പോര്‍ട്ട്. രാജ്യതലസ്ഥാനമായ ഡല്‍ഹിയില്‍ എന്നത്തെയും പോലെ ജനജീവിതം സാധാരണ നിലയിലാണ്. പണിമുടക്ക് ജനജീവിതത്തെ ഒട്ടുംതന്നെ ബാധിച്ചിട്ടില്ല. സ്വകാര്യവാഹനങ്ങളെല്ലാം നിരത്തിലിറങ്ങിയിട്ടുണ്ട്. ബസുകള്‍ സര്‍വീസ് നടത്തുന്നു. മെട്രോ ട്രെയിനുകളെല്ലാം സാധാരണ നിലയില്‍ തന്നെ ഓടുന്നു. അതേസമയം, പശ്ചിമ ബംഗാളില്‍ സമരാനുകൂലികള്‍ ട്രെയിന്‍ തടയാന്‍ ശ്രമിച്ചത് നേരിയ സംഘര്‍ഷമുണ്ടാക്കി. പൊലിസ് ലാത്തി വീശി.
24 മണിക്കൂര്‍ നീളുന്ന പണിമുടക്കിന് ഐഎന്‍ടിയുസി, എഐടിയുസി, എച്ച്എംഎസ്, സിഐടിയു, എഐയുടിയുസി, ടിയുസിസി, എസ്ഇഡബഌുഎ, എഐസിസിടിയു, യുടിയുസി, എല്‍പിഎഫ് എന്നിവയാണു നേതൃത്വം നല്‍കുന്നത്. എല്ലാ തൊഴിലാളികളുടെയും മിനിമം കൂലി പ്രതിമാസം 15,000 രൂപയാക്കുക, വിലക്കയറ്റം തടയുക, പൊതുമേഖലയെ സംരക്ഷിക്കുക, അസംഘടിത മേഖലയിലെ തൊഴിലാളികള്‍ക്കു സാമൂഹിക സുരക്ഷാ പദ്ധതി നടപ്പാക്കുക തുടങ്ങിയ ആവശ്യങ്ങള്‍ ഉന്നയിച്ചാണു പണിമുടക്ക്.
പണിമുടക്ക് ചെന്നൈ നഗരത്തെയും ഒരു തരത്തിലും ബാധിച്ചിട്ടില്ല. സര്‍ക്കാര്‍ വാഹനങ്ങളും മറ്റു സ്വകാര്യ വാഹനങ്ങളും നിരത്തിലിറങ്ങിയിട്ടുണ്ട്. കടകളെല്ലാം തുറന്നിട്ടുണ്ട്. സ്‌കൂളുകള്‍, കോളജുകള്‍, ഓഫിസുകള്‍ എല്ലാം തന്നെ തുറന്നു പ്രവര്‍ത്തിക്കുന്നുണ്ട്. നിരത്തിലെങ്ങും ജനങ്ങളുടെ പതിവ് തിരക്കാണ്. മുംബൈ നഗരത്തെയും പണിമുടക്ക് ഒരു തരത്തിലും ബാധിച്ചിട്ടില്ല. രാവിലെ മുതല്‍ തന്നെ വാഹനങ്ങളെല്ലാം നിരത്തിലിറങ്ങി. ബസ്, ടാക്‌സി, ട്രെയിന്‍ സര്‍വീസുകള്‍ എല്ലാം തന്നെ പതിവ് പോലെ സര്‍വീസ് നടത്തുന്നുണ്ട്. സര്‍ക്കാര്‍, സ്വകാര്യ ഓഫിസുകളെല്ലാം തന്നെ തുറന്നു പ്രവര്‍ത്തിക്കുന്നുണ്ട്. മഹാരാഷ്ട്രയിലെ പ്രധാന നഗരങ്ങളിലെല്ലാം ജനജീവിതം സാധാരണ നിലയില്‍ തന്നെയാണ്. എന്നാല്‍ ബെംഗളൂരുവില്‍ പതിവിനു വിപരീതമായി പൊതുഗതാഗതം തടസ്സപ്പെട്ടു. കടകള്‍ തുറന്നു പ്രവര്‍ത്തിക്കുന്നുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha