വടക്കുന്നാഥ ക്ഷേത്രത്തിന് യുനെസ്കോ ബഹുമതി
തൃശ്ശൂര് വടക്കുന്നാഥ ക്ഷേത്രത്തിനു പൈതൃക സംരക്ഷണത്തിനു യുനെസ്കോ നല്കുന്ന ഏഷ്യ പസഫിക് ബഹുമതി ലഭിച്ചു. 1200 വര്ഷം പഴക്കം കണക്കാക്കുന്ന ക്ഷേത്രത്തിന്റെ കെട്ടിട സമുച്ചയവും പൂജാവിധികള് അടക്കമുള്ള പാരമ്പര്യവും അതേപടി സംരക്ഷിച്ചതിനാണു ബഹുമതി. \'ജീവിക്കുന്ന പൈതൃക സ്മാരകം\' എന്നാണു യുനെസ്കോ ഇതിനെ വിശേഷിപ്പിച്ചത്.
തൃശൂര് നഗരമധ്യത്തിലെ ഒന്പത് ഏക്കറിലാണു ബുദ്ധ, ജൈന, വൈഷ്ണവ പരമ്പരകളിലൂടെ കടന്നുവന്ന ക്ഷേത്രസമുച്ചയം സ്ഥിതിചെയ്യുന്നത്. പൂജാക്രമങ്ങള് ചിട്ടപ്പെടുത്തിയത് ശങ്കരാചാര്യരാണെന്നു വിശ്വസിക്കപ്പെടുന്നു. നാലു വലിയ ഗോപുരങ്ങളുള്ള വലിയ മതില്ക്കെട്ടിനുള്ളിലാണു ക്ഷേത്രം. വലിയ മൂന്നു ശ്രീകോവിലുകളുണ്ട്്് എന്നതാണ് പ്രത്യേകത. ഇതില് രണ്ടെണ്ണം വട്ടത്തിലുള്ള ശ്രീകോവിലുകളാണ്. കേരള വാസ്തുവിദ്യയില് പല നിലകളുള്ള ശ്രീകോവില് അപൂര്വമാണ്. വിഗ്രഹം ഉയരത്തില് കാണുമെന്നതാണു പ്രത്യേകത. എന്നും നെയ്യഭിഷേകം നടക്കുന്ന ശിവലിംഗമാണു പ്രധാന പ്രതിഷ്ഠ. ശിവലിംഗം 11 അടി ഉയരമുള്ള നെയ്മലകൊണ്ടു മൂടിയിരിക്കുകയാണ്.
വടക്കുന്നാഥന്റെ തെക്കെ ഗോപുരത്തിലാണു പ്രശസ്തമായ പൂരം നടക്കുന്നത്. ഇലഞ്ഞിത്തറ മേളം നടക്കുന്നത് ക്ഷേത്രത്തിനു നടയിലെ ഇലഞ്ഞിച്ചുവട്ടിലും. ആര്ക്കിയോളജിക്കല് സര്വേ ഓഫ് ഇന്ത്യ പത്തു വര്ഷം മുന്പാണു ക്ഷേത്രത്തിന്റെ സംരക്ഷണച്ചുമതല ഏറ്റെടുത്തത്. ആദ്യ ഘട്ടത്തില് അവഗണിച്ച ഇവര് പിന്നീടു സംരക്ഷണത്തില് താല്പര്യമെടുത്തു. മൂന്നു വര്ഷമായി ചെന്നൈയിലെ ടിവിഎസ് ഗ്രൂപ്പും സംരക്ഷണത്തിനായി പ്രതിവര്ഷം ഒരു കോടിയോളം രൂപ നല്കുന്നുണ്ട്. കൊച്ചിന് ദേവസ്വം ബോര്ഡിനാണു ക്ഷേത്രത്തിന്റെ ഉടമസ്ഥാവകാശം.
രാജ്യാന്തര സംരക്ഷണ ഫണ്ടുകള് കിട്ടുമെന്നതാണു പ്രധാന നേട്ടം. യുനെസ്കോയുടെ ഹെറിറ്റേജ് സൈറ്റുകളില് പെടാനുള്ള സാധ്യതയും ഇതോടെ തെളിയുകയാണ്. ആര്ക്കിയോളജിക്കല് സര്വേ ഓഫ് ഇന്ത്യയും കൂടുതല് ഫണ്ട് അനുവദിച്ചേക്കും.
കുമ്മായംകൊണ്ടുള്ള ശില്പങ്ങള്, മരത്തിലുള്ള മേല്ക്കൂരകള്, വാതിലുകള്, കരിങ്കല്മതിലുകള്, നടപ്പാതകള്, കല്ലിലും മറ്റും കണ്ട രേഖകള്, പൂജാവിധികള്, പാരമ്പര്യ ചടങ്ങുകള് എന്നിവയെല്ലാം സംരക്ഷിക്കപ്പെട്ടു. കെട്ടിടങ്ങളും മറ്റും സംരക്ഷിക്കാനുള്ള സ്ഥിരം സംവിധാനവും ഫണ്ടും സന്ദര്ശകര്ക്ക് ഇതേക്കുറിച്ചു വിവരം നല്കാനുള്ള സംവിധാനം എന്നിവയെല്ലാം നിലവില് വരേണ്ടതുണ്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
