നടിയെ ആക്രമിച്ച കേസിന്റെ വിചാരണ പൂര്ത്തിയാക്കാന് കൂടുതല് സമയം അനുവദിക്കണമെന്ന സര്ക്കാരിന്റെ ആവശ്യം സുപ്രീം കോടതി തിങ്കളാഴ്ച പരിഗണിക്കും
നടിയെ ആക്രമിച്ച കേസിന്റെ വിചാരണ പൂര്ത്തിയാക്കാന് കൂടുതല് സമയം അനുവദിക്കണമെന്ന സര്ക്കാരിന്റെ ആവശ്യം സുപ്രീം കോടതി തിങ്കളാഴ്ച പരിഗണിക്കും.
ജസ്റ്റിസുമാരായ എ എം ഖാന് വില്ക്കര്, സി ടി രവികുമാര് എന്നിവരടങ്ങുന്ന ബഞ്ചാണ് ഇക്കാര്യം പരിഗണിക്കുന്നത്. സര്ക്കാരിന്റെ അപേക്ഷ അടിയന്തരമായി പരിഗണിക്കമമെന്ന് സംസ്ഥാന സര്ക്കാരിന്റെ സ്റ്റാന്റിംഗ് കൗണ്സല് നിഷേ രാജന് ഷോങ്കര് കഴിഞ്ഞ ദിവസം കോടതിയില് ആവശ്യപ്പെട്ടിരുന്നു.
നടിയെ ആക്രമിച്ച കേസില് ഫെബ്രുവരി 16നകം വിചാരണ പൂര്ത്തിയാക്കി വിധി പ്രഖ്യാപിക്കമമെന്നാണ് സുപ്രീം കോടതി നേരത്തേ നിര്ദ്ദേശിച്ചിരുന്നത്.
എന്നാല് കേസുമായി ബന്ധപ്പെട്ട് നടന് ദിലീപിനെതിരെ സംവിധായകന് ബാലചന്ദ്രകുമാര് നടത്തിയ വെളിപ്പെടുത്തലില് തുടരന്വേഷണം ആവശ്യമാണെന്നാണ് സുപ്രീം കോടതിയില് ഫയല് ചെയ്ത അപേക്ഷയില് സംസ്ഥാന സര്ക്കാര് വ്യക്തമാക്കിയിട്ടുള്ളത്.
കേസിലെ വിചാരണ നീട്ടിവയ്ക്കണമെന്ന് പ്രോസിക്യൂട്ടര് കോടതിയോട് ആവശ്യപ്പെട്ടിട്ടുണ്ടെന്നും സര്ക്കാര് സുപ്രീം കോടതിയില് നല്കിയ അപേക്ഷയില് ചൂണ്ടിക്കാട്ടിയിട്ടുണ്ട്. സര്ക്കാരിന് വേണ്ടി കോടതിയില് തിങ്കളാഴ്ച ഹാജരാകുന്നത് സീനിയര് അഭിഭാഷകരാണ് .
https://www.facebook.com/Malayalivartha
