കോവിഡ് വ്യാപനം; കേരള, മഹാത്മാഗാന്ധി സര്വകലാശാലകള് നടത്താനിരുന്ന പരീക്ഷകള് ഹൈക്കോടതി തടഞ്ഞു
കേരള, മഹാത്മാഗാന്ധി സര്വകലാശാലകള് നടത്താനിരുന്ന പരീക്ഷകള് ഹൈക്കോടതി തടഞ്ഞു. കൊവിഡ് ബാധ ചൂണ്ടിക്കാട്ടിയുള്ള എന്എസ്എസിന്റെ ഹര്ജിയിലാണ് കോടതിയുടെ ഇടക്കാല ഉത്തരവ്.മഹാത്മാഗാന്ധി സര്വ്വകലാശാല ഫെബ്രുവരി എട്ട് വരെ നടത്താന് നിശ്ചയിച്ചിരുന്ന എല്ലാ പരീക്ഷകളും മാറ്റിവെച്ചതായി വൈസ് ചാന്സലര് അറിയിച്ചു. പുതുക്കിയ തീയതി പിന്നീട് അറിയിക്കും.
മതിയായ അധ്യാപകര് ഇല്ലെന്നും പരീക്ഷ മൂലം രോഗബാധ കൂടുന്നെന്നായിരുന്നു എന് എസ് എസ് ഹര്ജി. കോടതി ഉത്തരവിന് പിന്നാലെ എം ജി സര്വകലാശാല പരീക്ഷകള് മാറ്റി.അതേസമയം, കൊവിഡ് തീവ്ര വ്യാപനത്തെ തുടര്ന്ന് കടുത്ത നിയന്ത്രണങ്ങള് നിലനില്ക്കുന്ന കണ്ണൂരില് ജില്ല കളക്ടറുടെ നിര്ദേശം പോലും മറികടന്ന് കോളേജ് യൂണിയന് തെരഞ്ഞെടുപ്പ് നടത്തി കണ്ണൂര് സര്വകലാശാല. ജില്ല ബി കാറ്റഗറിയിലാണ് വലിയ തോതിലുള്ള കൊവിഡ് വ്യാപനം ജില്ലയിലുണ്ട്. ഇന്നലെ ജില്ലയില് ഏറ്റവും ഉയര്ന്ന പ്രതിദിന ടി പി ആര് നിരക്ക് രേഖപ്പെടുത്തിയ ദിവസമായിരുന്നു. ഇന്നലെയാണ് ബി കാറ്റഗറിയിലേക്ക് മാറ്റിയത്.
https://www.facebook.com/Malayalivartha
