പ്രാര്ത്ഥന വിഫലമായി... രക്ഷിതാക്കളുടെയും നാട്ടുകാരുടെയും പ്രാര്ത്ഥനകളൊന്നും ഫലിച്ചില്ല.... കുഞ്ഞ് ഫാത്തിമ്മ യാത്രയായി, കണ്ണീരടക്കാനാവാതെ കുടുംബം
പ്രാര്ത്ഥന വിഫലമായി... രക്ഷിതാക്കളുടെയും നാട്ടുകാരുടെയും പ്രാര്ത്ഥനകളൊന്നും ഫലിച്ചില്ല.... കുഞ്ഞ് ഫാത്തിമ്മ യാത്രയായി. കരള് പകുത്ത് നല്കിയ പിതാവിന്റെയും കുടുംബങ്ങളുടേയും നാട്ടുകാരുടേയും പ്രാര്ഥനകളും പ്രയത്നങ്ങളൊന്നും സഫലമായില്ല. കുഞ്ഞു ഫാത്തിമ മരണത്തിന് കീഴടങ്ങി.ആ കുഞ്ഞിന്റെ പുഞ്ചിരി ആര്ക്കും മറക്കാനാകുന്നില്ല.
ആനയാംകുന്ന് ഹൈസ്കൂള് അധ്യാപകനും കമ്യൂണിറ്റി പൊലീസ് ഓഫിസറുമായ ഇസ്ഹാഖ് കാരശ്ശേരിയുടേയും ,നസ്ലയുടേയും മകളാണ് ഒമ്പത് മാസം പ്രായമുള്ള ഫാത്തിമ. കോഴിക്കോട്ടെ സ്വകാര്യ ആശുപത്രിയില് കരള് മാറ്റ ശസ്ത്രക്രിയക്ക് വിധേയയായി ചികിത്സയിലിരിക്കെ വ്യാഴാഴ്ച രാത്രി പന്ത്രണ്ടരയോടെയാണ് മരിച്ചത്.
ജനുവരി 10നാണ് ഫാത്തിമയുടെ കരള് മാറ്റിവെച്ചത്. പിതാവാണ് കരള് നല്കിയത്. കോഴിക്കോട് റൂറലിലെ എസ്.പി.സി കേഡറ്റുകളും അധ്യാപക സംഘടനകളും ആനയാംകുന്ന് സ്കൂളില്നിന്നും ലഭിച്ച സഹായങ്ങളും ഉള്പ്പെടെ ഫാത്തിമയുടെ ജീവന് രക്ഷിക്കാന് ശസ്ത്രക്രിയക്കും അനുബന്ധ ചികിത്സക്കുമായി മുപ്പത് ലക്ഷത്തോളം രൂപ കുടുംബം ചെലവഴിച്ചു.
ശസ്ത്രക്രിയക്ക് ശേഷം മകള് ആരോഗ്യത്തോടെ തിരികെ വരുമെന്നായിരുന്നു രക്ഷിതാക്കളുടെ പ്രതീക്ഷ. എന്നാല് ഇതെല്ലാം തകിടംമറിച്ച് ഫാത്തിമ യാത്രയായി. വെള്ളിയാഴ്ച രാവിലെ 11 മണിയോടെ കാരശ്ശേരി പള്ളി ഖബര്സ്ഥാനില് വലിയുപ്പയുടെ ഖബറിന് സമീപം ഫാത്തിമയെ ഖബറടക്കി.
"
https://www.facebook.com/Malayalivartha
