സംസ്ഥാനത്ത് നാളെ ലോക്ഡൗണിന് സമാനമായ കര്ശന നിയന്ത്രണങ്ങള്... നിരത്തുകളില് പരിശോധന കര്ശനമാക്കും, പുറത്തിറങ്ങുന്നവര് കാരണം വ്യക്തമാക്കുന്ന രേഖകളോ സത്യവാങ്മൂലമോ കയ്യില് കരുതണം
കോവിഡ് വ്യാപനം തടയുന്നതിന്റെ ഭാഗമായി നാളെ സംസ്ഥാനത്ത് ലോക്ഡൗണിന് സമാനമായ കര്ശന നിയന്ത്രണങ്ങള്. അത്യാവശ്യ യാത്രകള് മാത്രമേ അനുവദിക്കൂ. പുറത്തിറങ്ങുന്നവര് കാരണം വ്യക്തമാക്കുന്ന രേഖകളോ സത്യവാങ്മൂലമോ കയ്യില് കരുതേണ്ടതാണ്. നിരത്തുകളില് പരിശോധന കര്ശനമാക്കും.
നിര്ദേശങ്ങള് ലംഘിക്കുന്നവര്ക്കെതിരെ കടുത്ത നടപടി എടുക്കാന് പൊലീസിന് നിര്ദേശം നല്കി്. അനാവശ്യമായി പുറത്തിറങ്ങുന്നവര്ക്കെതിരെ കേസെടുത്തും. വാഹനം പിടിച്ചെടുക്കും. വിവാഹ, മരണാനന്തര ചടങ്ങുകളില് 20 പേര് മാത്രമേ പങ്കെടുക്കാവൂ.
ചികിത്സ, വാക്സിനേഷന് എന്നിവയ്ക്കും യാത്രയാകാം. അടിയന്തര സാഹചര്യത്തില് വര്ക് ഷോപ്പുകള് തുറക്കാം. ദീര്ഘദൂര ബസുകളും ട്രെയിനുകളും സര്വീസ് നടത്തും.
പഴം, പച്ചക്കറി, പലവ്യഞ്ജനം, പാല്, മീന്, ഇറച്ചി എന്നിവ വില്ക്കുന്ന കടകള് രാവിലെ 7 മുതല് രാത്രി 9 വരെ പ്രവര്ത്തിക്കും. ഹോട്ടലിലും ബേക്കറിയിലും പാഴ്സല് മാത്രമേ അനുവദിക്കൂ. മാധ്യമ സ്ഥാപനങ്ങള്, മരുന്നുകടകള്, ആംബുലന്സ് എന്നിവയ്ക്ക് തടസ്സമില്ല.
"
https://www.facebook.com/Malayalivartha
