ലോകായുക്ത ഓര്ഡിനന്സ്; സര്ക്കാരിനോട് വിശദീകരണം തേടി ഗവര്ണര് ആരിഫ് മുഹമ്മദ് ഖാന്; ഗവർണറുടെ നടപടി പ്രതിപക്ഷത്തിന്റെ പരാതിയിൽ
ലോകായുക്ത ഓര്ഡിനന്സില് ഗവര്ണര് ആരിഫ് മുഹമ്മദ് ഖാന് സര്ക്കാരിനോട് വിശദീകരണം തേടി. പ്രതിപക്ഷം ഉന്നയിച്ച പരാതികളിലാണ് വിശദീകരണം തേടിയത്. ഭരണഘടനാ വിരുദ്ധം, രാഷ്ട്രപതിയുടെ അനുമതി വേണം തുടങ്ങിയ കാര്യങ്ങളിലാണ് വിശദീകരണം നല്കേണ്ടത്. ഉടന് വിശദീകരണം നല്കാന് പരാതികള് മുഖ്യമന്ത്രിക്ക് അയച്ചു.
അതേസമയം, ലോകായുക്ത നിയമഭേദഗതിയില് സി.പി.എം ജനറല് സെക്രട്ടറി സീതാറാം യെച്ചൂരിക്ക് പ്രതിപക്ഷ നേതാവ് കത്തയച്ചു. ഭേദഗതിയില് നിന്ന് പിന്മാറാന് കേന്ദ്ര നേതൃത്വം സംസ്ഥാന സര്ക്കാരിനോട് നിര്ദ്ദേശിക്കണമെന്ന് വി.ഡി സതീശന് കത്തില് ആവശ്യപ്പെട്ടു. ലോകായുക്ത, ലോക്പാല് വിഷയങ്ങളില് സി.പി.എം സ്വീകരിച്ച നിലപാടിന് വിരുദ്ധമാണ് ഓര്ഡിനന്സെന്നും കത്തില് പറയുന്നു. സി.പി.എമ്മിന്റെ രാഷ്ട്രീയ ധാര്മ്മികത ചോദ്യം ചെയ്യപ്പെടുന്നതും അഴിമതിക്കെതിരെ പാര്ട്ടി ഇതുവരെ സ്വീകരിച്ച നിലപാടുകള് ജനങ്ങളെ കബളിപ്പിക്കാന് മാത്രമുള്ളതായിരുന്നെന്നും കരുതേണ്ടി വരുമെന്ന് പ്രതിപക്ഷ നേതാവ് കത്തില് ചൂണ്ടിക്കാട്ടി.
https://www.facebook.com/Malayalivartha
