ഓട്ടോ ഡ്രൈവറെ ലോഡ്ജില്‍ ജീവനൊടുക്കിയ നിലയില്‍ കണ്ടെത്തി; സംഭവത്തിൽ പോലീസ് അന്വേഷണം ആരംഭിച്ചു
പയ്യന്നൂര്‍ നഗരത്തിലെ ഓട്ടോ ഡ്രൈവറെ ലോഡ്ജില്‍ ജീവനൊടുക്കിയ നിലയില്‍ കണ്ടെത്തി.കണ്ടോത്ത് ശ്രീ കൂര്‍മ്ബ ഭഗവതി ക്ഷേത്രത്തിന് സമീപത്തെ കുഞ്ഞി വളപ്പില്‍ സദാനന്ദനെയാ (53) ണ് മരിച്ച നിലയില്‍ കണ്ടെത്തിയത്.
വെള്ളിയാഴ്ച, രാവിലെ പതിനൊന്നര മണിയോടെയാണ് ഇദ്ദേഹം ലോഡ്ജില്‍ മുറിയെടുത്തിരുന്നത്. രാത്രി ഏറെ വൈകിയും വീട്ടിലെത്താത്തതിനെ തുടര്‍ന്ന് ബന്ധുക്കള്‍ ഫോണില്‍ ബന്ധപ്പെടാന്‍ ശ്രമിച്ചപ്പോള്‍ ഫോണ്‍ റിങ്ങു ചെയ്യുന്നതല്ലാതെ എടുക്കാത്തതിനെ തുടര്‍ന്ന് ഓട്ടോ ഡ്രൈവര്‍മാരുമായി ബന്ധപ്പെട്ട് അന്വേഷണം നടത്തിയത്.
ഇതോടെ, പയ്യന്നൂര്‍ കൊറ്റിയിലെ ലോഡ്ജില്‍ മുറിയെടുത്ത വിവരം അറിഞ്ഞു. ലോഡ്ജ് മുറി വാതിലിന്റെ കുറ്റി തകര്‍ത്ത് പരിശോധിച്ചപ്പോഴാണ് സദാനന്ദനെ തൂങ്ങിമരിച്ച നിലയില്‍ കണ്ടെത്തിയത്. മൃതദേഹം പരിയാരത്തെ കണ്ണൂര്‍ മെഡിക്കല്‍ കോളേജ് ആശുപത്രി മോര്‍ച്ചറിയിലേക്ക് മാറ്റി. പയ്യന്നൂര്‍ പൊലീസ് ഇന്‍ക്വസ്റ്റ് നടത്തി.ഭാര്യ: സുമതി. മക്കള്‍: സനൂപ്, സയന (ഇരുവരും ദുബായ് ) മരുമക്കള്‍: നിമിഷ, ജിതേഷ്
https://www.facebook.com/Malayalivartha
