ഹ്യുണ്ടായ് ഇന്ത്യയ്ക്ക് മറുപടിയുമായി ശ്രീജിത്ത് പണിക്കർ രംഗത്ത് വന്നിരിക്കുകയാണ്. അദ്ദേഹത്തിന്റെ ഫേസ്ബുക്ക് കുറിപ്പിന്റെ പൂർണ്ണ രൂപം ഇങ്ങനെ; പ്രിയപ്പെട്ട ഹ്യുണ്ടായ് ഇന്ത്യ, ഫേസ്‌ബുക്ക് പേജിൽ നിന്നും എന്റെ കമന്റുകൾ കുത്തിയിരുന്ന് നീക്കം ചെയ്യുന്ന, ട്വിറ്ററിൽ എന്നെ ബ്ലോക്ക് ചെയ്ത ഹ്യുണ്ടായ് ഇന്ത്യയ്ക്ക് നന്ദി. ഞാൻ നിങ്ങളോട് ഇല്ലാത്തത് പറഞ്ഞിട്ടില്ല. മോശം ഭാഷ ഉപയോഗിച്ചിട്ടില്ല.

എന്റെ രാജ്യത്തിന്റെ പരമാധികാരത്തെ ചോദ്യം ചെയ്ത നിങ്ങളുടെ സഹോദര സ്ഥാപനത്തെ വിമർശിക്കുക മാത്രമാണ് ചെയ്തത്. നിങ്ങളുടെ അഭിപ്രായം എന്താണെന്ന് ചോദിക്കുക മാത്രമാണ് ചെയ്തത്. കാശ്മീർ ഇന്ത്യയുടെ അവിഭാജ്യ ഘടകമാണെന്ന് ഓർമ്മപ്പെടുത്തുക മാത്രമാണ് ചെയ്തത്.

രാജ്യവിരുദ്ധ സമീപനം കൈക്കൊള്ളുന്നവരെ നിരോധിക്കാൻ സർക്കാരിനോട് അഭ്യർത്ഥിക്കുക മാത്രമാണ് ചെയ്തത്. അതിനാണ് ഈ നടപടി എങ്കിൽ അഭിമാനം മാത്രം. നിങ്ങൾ മാപ്പ് പറയാതെ, കാശ്മീർ ഇന്ത്യയുടേതാണ് എന്നു പറയാതെ ഒരു ഹ്യുണ്ടായ് വാഹനവും ഒരിക്കലും സ്വന്തമാക്കില്ല എന്ന് തീരുമാനിക്കാനുള്ള ഒരു വ്യക്തിയുടെ സ്വാതന്ത്ര്യം ബ്ലോക്ക് ചെയ്യാൻ നിങ്ങൾക്ക് കഴിയില്ലല്ലോ. ഇനിയും വരില്ലേ പുതിയ വാഹനങ്ങളും തെളിച്ചുകൊണ്ട്?

മിഷൻ സക്സസ്! അങ്ങനെ ഊളന്മാരായ ഹ്യുണ്ടായ് പാകിസ്ഥാൻ ചേട്ടന്മാർ കാശ്മീരിന്റെ സ്വാതന്ത്ര്യത്തിനായി ഇട്ട പിന്തുണ ഫേസ്‌ബുക്ക്, ട്വിറ്റർ, ഇൻസ്റ്റാഗ്രാം പോസ്റ്റുകൾ പിൻവലിച്ച് ഫൈസലാബാദിലെ കണ്ടം വഴി ഓടിയിട്ടുണ്ട്. ഒരു പോസ്റ്റ് സംരക്ഷിക്കാൻ കഴിയാത്തവരാണ് കാശ്മീരിന് വേണ്ടി പോരാടാൻ വരുന്നത്. അവന്മാരുടെ റേഞ്ചർമാരെ പോലെ തന്നെ—ഭീരുക്കൾ! ഹ്യുണ്ടായ് പാക്കിസ്ഥാൻ പേജ് കൈകാര്യം ചെയ്യുന്നത് ഹ്യുണ്ടായ് നിഷാത് ഗ്രൂപ്പ് ആണ്.

അവരാണ് പാകിസ്ഥാനിൽ ഹ്യുണ്ടായ് കാറുകൾ അസംബിൾ ചെയ്ത് വിതരണം ചെയ്യുന്നത്. പ്രിയപ്പെട്ട ഹ്യുണ്ടായ് ഇന്ത്യ ചേട്ടന്മാരേ, നിങ്ങളുടെ പാകിസ്ഥാൻ ഷഗോദരൻ ഹ്യുണ്ടായ് നിഷാത് അതിരാവിലെ ഫാദർ ഇല്ലായ്മ കാണിച്ചിട്ടുണ്ട്. ശ്രദ്ധയിൽ പെടുത്തുമല്ലോ അല്ലേ? തേങ്സ്. കാശ്മീർ അവരുടേതാകും, സംശയമില്ല; പക്ഷെ അവരുടെ സ്വപ്നങ്ങളിൽ മാത്രം.

ഹ്യുണ്ടായ് നിഷാത് ഒരു സംയുക്ത സംരംഭം ആണ്. നിഷാത് ഗ്രൂപ്പ്, സോജിറ്റ്സ് കോർപ്പറേഷൻ, മില്ലാത് ട്രാക്ടേഴ്‌സ് എന്നിവർ ചേർന്ന സംരംഭം. പാകിസ്ഥാനിൽ ഹ്യുണ്ടായ് കാറുകൾ അസംബിൾ ചെയ്യുകയും വിതരണം ചെയ്യുകയും ചെയ്യുന്നത് ഹ്യുണ്ടായ് നിഷാത് ആണ്. അവരുടെ ഔദ്യോഗിക വെബ്‌സൈറ്റിൽ ലിങ്ക് ചെയ്തിട്ടുള്ള ഔദ്യോഗിക ഫേസ്‌ബുക്ക് പേജിലാണ് പോസ്റ്റ്.