സ്വപ്ന സുരേഷിനെ ബി ജെ പി ഒതുക്കി. സി പി എമ്മിനെയും ശിവശങ്കറിനെയും കുറിച്ചെല്ലാം സ്വപ്ന ഇനി എന്തെല്ലാം വെളിപ്പെടുത്തുമെന്ന് കണ്ടറിയാം.

പാലക്കാട് ആസ്ഥാനമായി പ്രവര്‍ത്തിക്കുന്ന എച്ച്ആര്‍ഡിഎസ് എന്ന സ്വകാര്യ എന്‍.ജി.ഒ യിലാണ് സ്വപ്ന സുരേഷിന് ജോലി ലഭിച്ചത്. കോര്‍പ്പറേറ്റ് സോഷ്യല്‍ റെസ്‌പോണ്‍സിബിളിറ്റി ഫണ്ട് ലഭിക്കുന്ന എന്‍ ജി ഒ യിലാണ് ജോലി ലഭിച്ചിരിക്കുന്നത്. ഇന്ത്യയിലെയും കേരളത്തിലെയും പ്രമുഖ ഏജന്‍സികളില്‍ ഒന്നാണ് ഇത്.

കേന്ദ്ര സര്‍ക്കാരും പ്രാദേശിക ബി ജെ പി നേതാക്കളുമായി ഏറെ അടുപ്പം പുലര്‍ത്തുന്ന ഏജന്‍സിയാണ് ഇ തെന്ന് സി പി എം നേതാക്കള്‍ സംശയിക്കുന്നു പ്രമുഖനായ ഒരു ബി ജെ പി നേതാവ് കഴിഞ്ഞ വര്‍ഷം അവസാനം സൊസൈറ്റി സന്ദര്‍ശിച്ചിരുന്നു.

സിഎസ് ആര്‍ ഡയറക്ടര്‍ ആയാണ് സ്വപ്നക്ക് നിയമനം നല്‍കിയത്. വന്‍കിട കമ്പനികളില്‍ നിന്നും സിഎസ്ആര്‍ ഫണ്ട് ഏകോപിപ്പിക്കുന്ന ചുമതലയാണ് ലഭിച്ചത്. ആദിവാസി മേഖലകളില്‍ വീട് നിര്‍മാണം ഉള്‍പ്പടെ ചെയ്യുന്ന സാമൂഹ്യ സംഘടനയാണ് എച്ച്ആര്‍ഡിഎസ്. ഇന്ത്യയിലാകമാനം ശൃംഘലകളുള്ള ഏജന്‍സിയാണ് ഇത്.രാജ്യത്ത് പത്ത് മില്യന്‍ റ ആദിവാസി വീടുകള്‍ നിര്‍മ്മിക്കുക എന്ന ലക്ഷ്യവുമായാണ് ഏജന്‍സി പ്രവര്‍ത്തിക്കുന്നത്. കേന്ദ്ര സര്‍ക്കാരിന്റെ നിരവധി പദ്ധതികള്‍ ഇവര്‍ നടപ്പിലാക്കുന്നുണ്ട്. പി.സി.ജോര്‍ജുമായും സ്ഥാപനത്തിന് ബന്ധമുണ്ട്. അദ്ദേഹം ഇവിടെ സന്ദര്‍ശിച്ചിട്ടുണ്ട്.

ഇതിനിടെ സ്വര്‍ണ്ണക്കടത്ത് കേസിലെ പ്രതി സ്വപ്ന സുരേഷിന്റെ അഭിഭാഷകന്‍ പിന്‍മാറിയിട്ടുണ്ട്. കൊച്ചി എന്‍ഐഎ കോടതിയില്‍ കഴിഞ്ഞ ദിവസം കേസ് പരിഗണിക്കുന്നതിനിടെ പിന്‍മാറുകയാണെന്ന് അഭിഭാഷകന്‍ അറിയിക്കുകയായിരുന്നു, വക്കാലത്ത് ഒഴിയുന്നതിന്റെ കാരണം വ്യക്തമാക്കാനാകില്ലെന്ന് അഭിഭാഷകനായ സൂരജ് ടി ഇലഞ്ഞിക്കല്‍ പറഞ്ഞു. ഇതിനു പിന്നാലും രാഷ്ട്രീയ തീരുമാനമുണ്ട്.

സ്വര്‍ണ്ണക്കടത്ത് കേസില്‍ വിവാദ വെളിപ്പെടുത്തലിന്റെ പശ്ചാത്തലത്തില്‍ ഇഡി വീണ്ടും ചോദ്യം ചെയ്യാന്‍ സ്വപ്ന സുരേഷിന് നോട്ടീസ് നല്‍കിയിരുന്നു. ഇതില്‍ ഹാജരാകാനിരിക്കെയാണ് അഭിഭാഷകന്‍ പിന്‍മാറിയത് എന്നും ശ്രദ്ധേയമാണ്. അഭിഭാഷകന്‍ പിന്‍മാറിയ സാഹചര്യത്തില്‍ എന്‍ഐഎ റെയ്ഡില്‍ പിടിച്ചെടുത്ത സ്വര്‍ണ്ണാഭരണങ്ങളും, വിദേശ കറന്‍സികളുമടക്കമുള്ള രേഖകള്‍ വിട്ട് തരണമെന്ന സ്വപ്നയുടെ ഹര്‍ജി കൊച്ചി എന്‍ഐഎ കോടതി പിന്നീട് പരിഗണിക്കാന്‍ മാറ്റി.

കസ്റ്റഡിയില്‍ ഇരിക്കെ മുഖ്യമന്ത്രിയുടെ പേര് പറയാന്‍ എന്‍ഫോഴ്‌സ്‌മെന്റ് നിര്‍ബന്ധിച്ചുവെന്ന ശബ്ദരേഖയ്ക്ക് പിന്നില്‍ എം ശിവശങ്കര്‍ നടത്തിയ ഗൂഢാലോചനയാണെന്ന് സ്വപ്ന ആരോപിച്ചിരുന്നു. ഇതിന്റെ പശ്ചാത്തലത്തിലാണ് സ്വപ്നയെ വീണ്ടും ചോദ്യം ചെയ്യാന്‍ ഇഡി തീരുമാനിച്ചത്. കള്ളപ്പണ ഇടപാടില്‍ ശിവശങ്കറിന് കൂടുതല്‍ കാര്യങ്ങള്‍ അറിയാമായിരുന്നു എന്നും സ്വപ്ന അഭിമുഖത്തില്‍ തുറന്നുപറഞ്ഞിരുന്നു.

ശബ്ദരേഖ പുറത്ത് വന്നതിന് പിന്നാലെ ഇഡി, ഡിജിപിക്ക് പരാതി നല്‍കിയിരുന്നു. എന്നാല്‍ സ്വപ്നയ്ക്ക് കാവല്‍ നിന്ന പൊലീസുകാരുടെ മൊഴിയെടുത്ത് ഇഡി ഉദ്യോഗസ്ഥരെ പ്രതികളാക്കി കേസെടുക്കുകയാണ് പൊലീസ് ചെയ്തത്. കേസ് ഹൈക്കോടതി റദ്ദാക്കിയിട്ടുണ്ടെങ്കിലും സര്‍ക്കാര്‍ ഇതിനെതിരെ ഡിവിഷന്‍ ബഞ്ചിനെ സമീപിച്ചിട്ടുണ്ട്. ഈ കേസില്‍ സ്വപ്നയുടെ വെളിപ്പെടുത്തല്‍ നിര്‍ണായകമാകുമെന്നാണ് ഇഡി ഉദ്യോഗസ്ഥര്‍ വിശദീകരിക്കുന്നത്

പുതിയ വിവരങ്ങള്‍ കോടതിയില്‍ ഔദ്യോഗികമായി ഉടന്‍ അറിയിക്കാനാണ് ഇഡിയുടെ നീക്കം. ഈ കേസില്‍ കുറ്റപ്പത്രം സമര്‍പ്പിച്ച് കഴിഞ്ഞെങ്കിലും കൂടുതല്‍ തെളിവ് ശേഖരണത്തിന് സാധ്യത ഉണ്ടോയെന്ന് പരിശോധിക്കുകയാണ് എന്‍ഫോഴ്‌സ്‌മെന്റ് ഡയറക്ടേറ്റ്.

എന്‍ഫോഴ്‌സ്‌മെന്റ് ഡയറക്ടറേറ്റിന്റെ മൊഴി എടുപ്പിന് സാവകാശം അനുവദിക്കണമെന്ന് സ്വപ്ന സുരേഷ് ആവശ്യപ്പെട്ടിരുന്നു. അനാരോ?ഗ്യം കാരണം രണ്ട് ദിവസത്തെ സാവകാശം ആണ് സ്വപ്ന ആവശ്യപ്പെട്ടത്. നേരില്‍ ഹാജരായി ആവശ്യപ്പെട്ടത് അനുസരിച്ച് ഇ ഡി സമയം അനുവദിക്കുകയും ചെയ്തു.

സ്വര്‍ണക്കടത്ത് കേസില്‍ ഒളിവില്‍ പോകാന്‍ നിര്‍ദേശിച്ചവരില്‍ ശിവശങ്കറും ഉള്‍പ്പെടുന്നുവെന്ന് സ്വപ്ന സുരേഷ് പറഞ്ഞിരുന്നു. ശിവശങ്കറിന് ഐ ഫോണ്‍ നല്‍കിയത് കോണ്‍സുല്‍ ജനറല്‍ പറഞ്ഞിട്ടാണെന്നും നിരവധി സമ്മാനങ്ങള്‍ അദ്ദേഹത്തിന് നല്‍കിയിട്ടുണ്ടെന്നുമാണ് സ്വപ്ന സുരേഷ് പറഞ്ഞത്.

ബി ജെ പിയുടെ നീക്കമാണ് നിര്‍ണായമായിരിക്കുന്നത്. ഒരു ജോലി തനിക്ക് ആഗ്രഹമല്ല അനിവാര്യതയാണെന്ന് സ്വപ്ന മലയാളി വാര്‍ത്തയോട് പറഞ്ഞിരുന്നു. ഇത് മനസിലാക്കിയാ ണ് ഏജന്‍സി അവര്‍ക്ക് ജോലി നല്‍കിയത്. തന്നെ സഹായിക്കുന്നവരെ താനും സഹായിക്കുമെന്ന് സ്വപ്ന വ്യക്തമാക്കിയിരുന്നു.

 "