വിളക്കണക്കല് സമരത്തിനിടെ സിപിഎം പ്രവര്ത്തകരുടെ മര്ദനമേറ്റ ട്വന്റി20 പ്രവര്ത്തകന് ചികിത്സയിലിരിക്കെ മരിച്ചു
സിപിഎം പ്രവര്ത്തകരുടെ മര്ദ്ദനമേറ്റ് ചികിത്സയിലായിരുന്ന ട്വന്റി ട്വന്റി പ്രവര്ത്തകന് മരിച്ചു. കിഴക്കമ്പലം കാവുങ്ങപ്പറമ്പ് പാറപ്പുറം കോളനിയില് ചായാട്ടുഞാലില് സി. കെ. ദീപു (37) ആണ് മരിച്ചത്.
സംഭവത്തില് സിപിഎം പ്രവര്ത്തകരായ ബഷീര്, സൈനുദ്ദീന്, അബ്ദുറഹ്മാന്, അബ്ദുള് അസീസ് എന്നിവര് അറസ്റ്റിലായിരുന്നു. കിഴക്കമ്പലം അഞ്ചാം വാര്ഡ് സെക്രട്ടറിയായിരുന്നു ദീപു.
12 മണിയോടെ മസ്തിഷ്കമരണം സംഭവിക്കുകയായിരുന്നു. കഴിഞ്ഞ ശനിയാഴ്ച ട്വന്റി ട്വന്റിയുടെ നേതൃത്വത്തില് നടന്ന വിളക്കണയ്ക്കല് സമരവുമായി ബന്ധപ്പെട്ടുണ്ടായ സംഘര്ഷത്തിലാണ് ദീപുവിന് ഗുരുതരമായി പരിക്കേറ്റത്. കുന്നത്തുനാട് എം എല് എ ശ്രീനിജനെതിരെയായിരുന്നു സമരം.
മര്ദ്ദനത്തെത്തുടര്ന്ന് ഗുരുതരമായി പരിക്കേറ്റ ദീപുവിനെ ആശുപത്രിയിലെത്തിക്കുകയും ഡോക്ടര്മാര് നടത്തിയ പരിശോധനയില് ആന്തരിക രക്തസ്രാവം കണ്ടെത്തുകയുമായിരുന്നു.
കൊച്ചി രാജഗിരി ആശുപത്രിയില് വെന്റിലേറ്ററിലായിരുന്നു ദീപു.
https://www.facebook.com/Malayalivartha
