ജെബി മേത്തര്‍ ഇന്ന് കോണ്‍ഗ്രസിന്റെ രാജ്യസഭാ സ്ഥാനാര്‍ത്ഥിയായി നാമനിര്‍ദേശ പത്രിക സമര്‍പ്പിക്കും.... പതിനൊന്ന് മണിക്ക് റിട്ടേണിംഗ് ഓഫീസറായ നിയമസഭാ സെക്രട്ടറിക്ക് മുമ്പാകെയാണ് പത്രിക സമര്‍പ്പിക്കുക
ജെബി മേത്തര്‍ ഇന്ന് കോണ്‍ഗ്രസിന്റെ രാജ്യസഭാ സ്ഥാനാര്‍ത്ഥിയായി നാമനിര്‍ദേശ പത്രിക സമര്‍പ്പിക്കും.... പതിനൊന്ന് മണിക്ക് റിട്ടേണിംഗ് ഓഫീസറായ നിയമസഭാ സെക്രട്ടറിക്ക് മുമ്പാകെയാണ് പത്രിക സമര്‍പ്പിക്കുക.
കെപിസിസി അദ്ധ്യക്ഷന്‍ കെ സുധാകരന്‍, പ്രതിപക്ഷ നേതാവ് വി ഡി സതീശന്‍ തുടങ്ങിയ നേതാക്കള്‍ക്കൊപ്പം എത്തിയാകും ജെബി പത്രിക നല്‍കുക.
അതേസമയം, ജെബിക്ക് പൂര്‍ണ പിന്തുണ നല്‍കുമെന്ന് കോണ്‍ഗ്രസ് നേതാവ് രമേശ് ചെന്നിത്തല പറഞ്ഞു.ഘടകകക്ഷികള്‍ തീരുമാനത്തെ അംഗീകരിക്കണം. സോഷ്യല്‍ മീഡിയയിലെ ചേരിതിരിഞ്ഞുള്ള പഴി ചാരല്‍ അവസാനിപ്പിക്കണമെന്നും അദ്ദേഹം ആവശ്യപ്പെട്ടു.
ഒരു സ്വകാര്യ ചാനലിന് നല്‍കിയ അഭിമുഖത്തില്‍ സംസാരിക്കുകയായിരുന്നു ചെന്നിത്തല. ജെബിക്കൊപ്പം യുഡിഎഫ് കണ്‍വീനര്‍ എംഎം ഹസന്‍, കെപിസിസി എക്‌സിക്യൂട്ടീവ് അംഗം എം ലിജു എന്നിവരുടെ പേരും കെപിസിസി നേതൃത്വം സമര്‍പ്പിച്ചിരുന്നു. ഈ മൂന്ന് പേരുടെ പാനലില്‍ നിന്നാണ് ഹൈക്കമാന്‍ഡ് ജെബിയെ തിരഞ്ഞെടുത്തത്. 1980ന് ശേഷം കേരളത്തില്‍ നിന്ന് രാജ്യസഭയിലേക്കെത്തുന്ന ആദ്യവനിതയാകും ജെ ബി മേ്ത്തര്‍.
"
https://www.facebook.com/Malayalivartha
