പദ്ധതിയുമായി മുന്നോട്ടു പോവുകയാണെങ്കിൽ , ഉടനെ എല്ലാവർക്കും അവർ അർഹിച്ച പണം നഷ്ട പരിഹാരം കൊടുത്തു പെട്ടെന്ന് തുടങ്ങി , പെട്ടെന്ന് അവസാനിപ്പിക്കുക . അല്ലെങ്കിൽ കെ റയിൽ ഒരിക്കലും വരികയുമില്ല. കെ റയിൽ നിർമാണവുമായി ബന്ധപെട്ടു കല്ല് ഇടുകയും ,യുഡിഎഫ് , ബിജെപി പ്രവർത്തകർ അതിനെതിരെ പ്രതിഷേധിച്ചു നാട്ടിയ കല്ലുകൾ പറിച്ചു മാറ്റുകയും ചെയ്യുന്ന വാർത്തകളോട് പ്രതികരിച്ച് സന്തോഷ് പണ്ഡിറ്റ്.

അദ്ദേഹം ഫേസ്ബുക്കിൽ പങ്കു വച്ച കുറിപ്പിന്റെ പൂർണ്ണ രൂപം ഇങ്ങനെ; പണ്ഡിറ്റിന്റെ "കെ റയിൽ " നിരീക്ഷണം കെ റയിൽ നിർമാണവുമായി ബന്ധപെട്ടു കല്ല് ഇടുകയും ,യുഡിഎഫ് , ബിജെപി പ്രവർത്തകർ അതിനെതിരെ പ്രതിഷേധിച്ചു നാട്ടിയ കല്ലുകൾ പറിച്ചു മാറ്റുകയും ചെയ്യുന്ന വാർത്തകൾ നാം കാണുന്നുണ്ടല്ലോ .

ഈ ഒരു കല്ലിനു 1000 രൂപ വിലയുണ്ടത്രേ . അത് ഒരു വീട്ടിലോ , പറമ്പിലോ കുഴിച്ചിടുവാൻ 4,500 രൂപയാണ് ചെലവ് . അതായത് കല്ല് പറിച്ചു മാറ്റിയ സ്ഥലത്തു വീണ്ടും 1000 രൂപയ്ക്കു കല്ല് വാങ്ങി, വീണ്ടും 4,500 രൂപയ്ക്കു കുഴിച്ചു ഇടേണ്ട അവസ്ഥയാണ് എന്നർത്ഥം . പദ്ധതി വൈകിയാൽ കേരളത്തിന് 3,500 കോടി വീതം എല്ലാ വർഷവും നഷ്ടപ്പെടും എന്ന് ബന്ധപ്പെട്ട ഉദ്യോഗസ്ഥർ അറിയിക്കുന്നു . ഇതെല്ലാം നമ്മുടെ ടാക്‌സ് ആണ് എന്ന് ഏവരും ഓർക്കുക .

കാസർകോട് മുതൽ തിരുവനന്തപുരം വരെ കല്ല് വാങ്ങി ഇടുവാൻ തന്നെ വലിയ പൈസയാകും . കല്ല് ഇടുന്നവരും , അത് പിഴുതെറിയുന്നവരും ഈ കാര്യം കൂടി ശ്രദ്ധിക്കുക . പാതയുടെ ഇരു വശങ്ങളിലും 10 metre ബഫർ സോൺ .. അതായത് 10 meter വീതം വെറുതെ ഇടണം എന്നും പറയുന്നു . ആ വെറുതെ ഇടേണ്ട സ്ഥലത്തിന് , സ്ഥലം ഉടമക്ക് നഷ്ടപരിഹാരം കിട്ടുമോ ? അതല്ല ആ സ്ഥലം പദ്ധതിയുടെ ഭാഗമല്ല എന്ന് പറഞ്ഞു നഷ്ട പരിഹാരം കൊടുക്കാതെ വരുമോ ?

കാരണം പിന്നീട് ഒരിക്കലും അവിടെ നിർമാണ പ്രവർത്തനങ്ങൾ സാധ്യമാകുമോ ? എന്റെ അഭിപ്രായത്തിൽ ബഫറിങ് സ്ഥലം എന്ന രീതിയിൽ ഈ റൈലിന്റെ രണ്ടു ഭാഗത്തും നിർബന്ധമായും ഒഴിച്ചിടേണ്ട സ്ഥലത്തിനും നഷ്ട പരിഹാരം നൽകണം . ഈ വിഷയത്തിലും ക്ലാരിഫിക്കേഷൻസ് പ്രതീക്ഷിക്കുന്നു .

(വാൽകഷ്ണം .. പദ്ധതിയുമായി മുന്നോട്ടു പോവുകയാണെങ്കിൽ , ഉടനെ എല്ലാവർക്കും അവർ അർഹിച്ച പണം നഷ്ട പരിഹാരം കൊടുത്തു പെട്ടെന്ന് തുടങ്ങി , പെട്ടെന്ന് അവസാനിപ്പിക്കുക . അല്ലെങ്കിൽ കെ റയിൽ ഒരിക്കലും വരികയുമില്ല

കല്ലിട്ട ഭൂമി ഫ്രീസ് ചെയ്യപ്പെടും. ഇനി ആ ഭൂമി വിൽക്കാനോ പണയം വെക്കാനോ പുതിയ നിർമാണങ്ങൾക്കോ അനുമതി കിട്ടില്ല മിച്ചഭൂമി പോലെ കിടക്കും.. അതൊരു വലിയ പ്രശ്നം ആകാം . എല്ലാ ആശങ്കകളും സർക്കാർ ഉടൻ പരിഹരിക്കും എന്ന് പ്രതീക്ഷിക്കുന്നു . )