കോഴിക്കോട് വളയത്ത് യുവതിയെ പെട്രോളൊഴിച്ച് കൊല്ലാന്‍ ശ്രമിച്ച യുവാവ് പൊള്ളലേറ്റ് മരിച്ചു.... ഇന്ന് പുലര്‍ച്ചെയോടെയായിരുന്നു സംഭവം.... പെട്രോളുമായി യുവതിയുടെ വീടിന്റെ മുകളില്‍ കയറി വീടിനുള്ളിലേക്ക് പെട്രോള്‍ ഒഴിച്ച് തീയിട്ട് യുവതിയെ കൊല്ലാനായിരുന്നു ശ്രമം.

വളയത്താണ് യുവാവ് പൊള്ളലേറ്റ് മരിച്ചത്. യുവതിയെ വീട്ടിലെത്തി തീ കൊളുത്തി കൊല്ലാന്‍ ശ്രമിക്കുന്നതിനിടെയാണ് മരണം. വളയം സ്വദേശി ജഗനേഷ്(42) ആണ് മരിച്ചത്. ഇന്ന് പുലര്‍ച്ചെ രണ്ട് മണിക്കായിരുന്നു സംഭവം.

യുവാവ് പെട്രോളുമായി വീട്ടിലെത്തുകയായിരുന്നു. വീടിന്റെ മുകളിലേക്ക് കയറി, വീടിനുള്ളിലേക്ക് പെട്രോള്‍ ഒഴിച്ച് തീയിട്ട് യുവതിയെ കൊലപ്പെടുത്താനായിരുന്നു പദ്ധതിയിട്ടിരുന്നത്. സംഭവം വീട്ടുകാര്‍ അറിഞ്ഞതോടെ ഇയാള്‍ സ്വയം തീകൊളുത്തുകയായിരുന്നെന്ന് പൊലീസ് പറഞ്ഞു.

ആക്രമണത്തില്‍ യുവതിയ്ക്കും അമ്മയ്ക്കും സഹോദരനും പരിക്കേറ്റു. ഇവരെ ആശുപത്രിയില്‍ പ്രവേശിപ്പിച്ചു. ഇലക്ട്രീഷനായ ജഗനേഷ് യുവതിയുടെ അയല്‍വാസിയാണ്. ജഗനേഷിന് പെണ്‍കുട്ടിയെ ഇഷ്ടമായിരുന്നുവെന്നാണ് സൂചനകള്‍.