കൊച്ചിയില്‍ നടിയെ ആക്രമിച്ച കേസിലെ സുപ്രധാന ശബ്ദരേഖയാണ് ഇപ്പോള്‍ സോഷ്യല്‍ മീഡിയ ഒന്നടങ്കം ചര്‍ച്ച ചെയ്യപ്പെടുന്നത്. സംഭാഷണം ദിലീപിന്റെ സഹോദരീഭര്‍ത്താവ് സൂരജും സുഹൃത്ത് ശരത്തും തമ്മിലുള്ളതാണ്. സംഭാഷണത്തില്‍ ഉടനീളം കാവ്യയെ കുടുക്കാന്‍ ശ്രമിച്ച കൂട്ടുകാര്‍ക്ക് തിരിച്ച് പണികൊടുത്ത സംഭവമാണ്.

എന്നാല്‍ ഇപ്പോള്‍ ദിലീപ് കേസുമായി ബന്ധപ്പെട്ട് എന്തെങ്കിലും ചെയ്യുന്നുണ്ടെങ്കില്‍ അത് കാവ്യയ്ക്ക് വേണ്ടി ആണെന്നാണ് ഇപ്പോള്‍ പുറത്തുവരുന്ന വിവരങ്ങള്‍ സൂചിപ്പിക്കുന്നത്. ഭാര്യയെ രക്ഷിക്കേണ്ട ഉത്തരവാദിത്വം ഭര്‍ത്താവിനുണ്ട്. തന്റെ കുഞ്ഞിന്റെ അമ്മയെ ജയിലില്‍ അയയ്ക്കാന്‍ പറ്റില്ലല്ലോ?

എന്തുതന്നെയായാലും തിങ്കളാഴ്ച ഏറെക്കുറെ എല്ലാം പുറത്തുവരും എന്ന് തന്നെയാണ് അന്വേഷണ സംഘം ഉള്‍പ്പടെ കരുതുന്നത്. തിങ്കളാഴ്ച ചോദ്യം ചെയ്യലിന് ഹാജരാകാന്‍ ആവശ്യപ്പെട്ട് കാവ്യാമാധവന് അന്വേഷണസംഘം നോട്ടീസ് അയച്ചിട്ടുണ്ട്. അന്ന് സത്യങ്ങള്‍ പുറത്തുവരും എന്ന് പ്രതീക്ഷിക്കാം. എന്തെങ്കിലും കാരണം ഉണ്ടാക്കി ഒഴിവാകാനും ചോദ്യം ചെയ്യലിന് എത്താതിരിക്കാനും സാധ്യതയുണ്ട്. ഇത്രയും കാണിച്ചുകൂട്ടിയവര്‍ക്ക് ഇത് ഒരു നിസാരകാര്യമല്ലേ.

സുരാജിന്റെ ഫോണില്‍ നിന്നാണ് ശബ്ദരേഖ വീണ്ടടുത്തത്. കേസിലെ വിഐപി ശരത്തും സഹോദരി ഭര്‍ത്താവ് ടി എന്‍ സുരാജും തമ്മിലുള്ള ശബ്ദരേഖയാണ് പുറത്തു വന്നിരിക്കുന്നത്. ഒന്‍പതര മിനുട്ട് നീളുന്നതാണ് ഓഡിയോ. കാവ്യയുടെ പങ്കിനേ പറ്റി സുരാജ് ശരത്തിനോട് സംസാരിക്കുന്നതാണ് ശബ്ദ രേഖയില്‍ കേള്‍ക്കാനാവുന്നത്.

കാവ്യയും സുഹൃത്തുക്കളും തമ്മിലുണ്ടായ വൈരമാണ് സംഭവങ്ങള്‍ക്ക് കാരണമെന്നാണ് സുരാജ് ശരത്തിനോട് പറയുന്നത്. കാവ്യയെ കുടുക്കാന്‍ കൂട്ടുകാരികള്‍ ശ്രമിച്ചിരുന്നെന്ന് സൂരജ് പറയുന്നു. 'കൂട്ടുകാര്‍ക്ക് തിരിച്ച് 'പണി' കൊടുക്കാന്‍ കാവ്യ ശ്രമിച്ചു. കാവ്യയെ കുടുക്കാന്‍ വേണ്ടി നടത്തിയ ശ്രമത്തിലാണ് ദിലീപ് കുടുങ്ങിയത്.

ജയിലില്‍ നിന്ന് വന്ന കോള്‍ നാദിര്‍ഷ എടുത്തതുകൊണ്ടാണ് അങ്ങനെ സംഭവിച്ചത്. ഇല്ലെങ്കില്‍ കാവ്യ മാത്രമാണ് കുടുങ്ങുക. ഡി സിനിമാസ്, ഗ്രാന്റ് പ്രൊഡക്ഷന്‍സ് എന്നീ ഓഫീസുകളും ദിലീപിന്റെ സഹോദരന്‍ അനൂപിന്റെ വീടുണ്ടായിട്ടും മെമ്മറി കാര്‍ഡ് ലക്ഷ്യയുടെ ഓഫീസിലാണ് എത്തിയത്.

അത് എന്തുകൊണ്ടാണെന്ന് സാമാന്യ ബുദ്ധിയുള്ളവര്‍ക്ക് മനസിലാകും. ദിലീപിനെ വിവാഹം ചെയ്തതാണ് കാവ്യയുടെ കൂട്ടുകാരുടെ വൈരാഗ്യത്തിന് കാരണം.' ദിലീപിന് ഇത് സമ്മതിക്കാന്‍ വിഷമം ആണെന്നും സുരാജ് ശരത്തിനോട് പറയുന്നുണ്ട്.