ലഹരി ഇടപാടിലെ കള്ളപ്പണം വെളുപ്പിക്കല് കേസില് ബിനീഷ് കോടിയേരിയുടെ ജാമ്യം റദ്ദാക്കണമെന്നാവശ്യപ്പെട്ട് ഇഡി സുപ്രീം കോടതിയില്
ലഹരി ഇടപാടിലെ കള്ളപ്പണം വെളുപ്പിക്കല് കേസില് ബിനീഷ് കോടിയേരിയുടെ ജാമ്യം റദ്ദാക്കണമെന്നാവശ്യപ്പെട്ട് ഇഡി സുപ്രീം കോടതിയില് .
ബെംഗളുരുവിലെ ഇഡി ഡെപ്യുട്ടി ഡയറക്റ്റര് സുപ്രീം കോടതിയില് ഹര്ജി ഫയല് ചെയതു. കള്ളപ്പണ ഇടപാടില് ബിനീഷിനെതിരേ വ്യക്തമായ തെളിവുകള് ഉണ്ടെന്ന് സുപ്രീം കോടതിയില് ഫയല് ചെയ്ത ഹര്ജിയില് എന്ഫോഴ്സ്മെന്റ് ഡയറക്ടറേറ്റ് വിശദീകരിച്ചു.
കഴിഞ്ഞ വര്ഷം ഒക്ടോബറിലാണ് ബിനീഷ് കോടിയേരിക്ക് കര്ണാടക ഹൈക്കോടതി ജാമ്യം അനുവദിച്ചത്. ഈ ഉത്തരവ് റദ്ദാക്കണമെന്ന് ആവശ്യപ്പെട്ടാണ് ഇഡി ഡെപ്യുട്ടി ഡയറക്ടര് സുപ്രീം കോടതിയില് അപ്പീല് ഫയല് ചെയ്തിട്ടുള്ളത്.
കേന്ദ്ര ഏജന്സിയുടെ അഭിഭാഷകന് മുകേഷ് കുമാര് മാറോറിയാണ് സുപ്രീം കോടതിയില് അപ്പീല് ഫയല് ചെയ്തത്. ജാമ്യം അനുവദിച്ച് കൊണ്ട് ഹൈക്കോടതി പുറപ്പെടുവിച്ച ഉത്തരവിലെ ചില പരാമര്ശങ്ങള് വിചാരണയെ ബാധിക്കുമെന്ന ആശങ്ക ഇഡിക്കഉള്ളതിനാലാണ് ഹൈക്കോടതി വിധി വന്ന് അഞ്ച് മാസങ്ങള്ക്ക് ശേഷം ഇ.ഡി അപ്പീല് ഫയല് ചെയ്യുന്നത്. അഡീഷണല് സോളിസിറ്റര് ജനറല് തലത്തിലുള്ള ഉദ്യോഗസ്ഥരുമായി ചര്ച്ച ചെയ്ത ശേഷമാണ് അപ്പീല് ഫയല് ചെയ്തത്.
ബിനീഷിന് വരവില് കവിഞ്ഞ സ്വത്തുക്കളുടെ സ്രോതസ് വ്യക്തമാക്കാന് കഴിഞ്ഞിട്ടില്ലെന്ന് വ്യക്തമാക്കി ഇഡി ഉദ്യോഗസ്ഥര്. ഐ.ഡി.ബി.ഐ, എച്ച്.ഡി.എഫ്.സി, എസ.്ബി.ഐ, ഫെഡറല് ബാങ്ക് എന്നിവയിലെ നിക്ഷേപങ്ങളുടെ സ്രോതസ് വ്യക്തമാക്കിയിട്ടില്ല. പണം നിക്ഷേപിച്ച ചിലര് ചോദ്യം ചെയ്യലിന് ഇത് വരെയും ഹാജരായിട്ടില്ലെന്നും ഇഡി ആരോപിക്കുന്നു.
എന്ഫോഴ്സ്മെന്റ് ഡയറക്ടറേറ്റ് രജിസ്റ്റര് ചെയ്ത കേസിലെ നാലാം പ്രതിയായിരുന്നു ബിനീഷ്. കള്ളപ്പണം വെളുപ്പിക്കല് നിയമത്തിലെ 19എ, 69 എന്നീ വകുപ്പുകള് ചുമത്തിയായിരുന്നു ഇഡി ബിനീഷിനെതിരായ കുറ്റപത്രം സമര്പ്പിച്ചിരുന്നത്
https://www.facebook.com/Malayalivartha
