ശബരിമല നട ഇന്ന് വിഷു പൂജകള്ക്കായി തുറക്കും..... വൈകീട്ട് അഞ്ചിന് കണ്ഠര് മഹേശ്വര് മോഹനരുടെ സാന്നിധ്യത്തില് മേല്ശാന്തി എന് പരമേശ്വരന് നമ്പൂതിരി നട തുറന്ന് ദീപം തെളിയിക്കും, നാളെ മുതല് ഭക്തര്ക്ക് പ്രവേശനം, വിഷുക്കണി 15 ന് പുലര്ച്ചെ
ശബരിമല നട ഇന്ന് വിഷു പൂജകള്ക്കായി തുറക്കും. വൈകീട്ട് അഞ്ചിന് കണ്ഠര് മഹേശ്വര് മോഹനരുടെ സാന്നിധ്യത്തില് മേല്ശാന്തി എന് പരമേശ്വരന് നമ്പൂതിരി നട തുറന്ന് ദീപം തെളിയിക്കും.
15ന് പുലര്ച്ചെയാണ് വിഷുക്കണി ദര്ശനം. നാളെ പുലര്ച്ചെ മുതല് ഭക്തരെ സന്നിധാനത്തേക്ക് കടത്തി വിടും. തീര്ത്ഥാടകരുടെ എണ്ണത്തില് നിയന്ത്രണമില്ലെങ്കിലും വെര്ച്വല് ക്യൂ ഒഴിവാക്കിയിട്ടില്ല.
നിലയ്ക്കലില് സ്ലോട്ട് ബുക്കിങ് ഉണ്ട്. എത്തുന്നവര് രണ്ട് ഡോസ് വാക്സിന് സ്വീകരിച്ചതിന്റെ സര്ട്ടിഫിക്കറ്റോ, 72 മണിക്കൂറിനുള്ളില് എടുത്ത ആര്ടിപിസിആര് നെഗറ്റീവ് സര്ട്ടിഫിക്കറ്റോ കരുതേണ്ടതാണ്.
തിരിച്ചറിയല് രേഖയായി ആധാര് കാര്ഡ്, വോട്ടര് ഐഡി, പാസ്പോര്ട്ട് എന്നിവയില് ഏതെങ്കിലുമൊന്ന് കൈയില് കരുതണം. പൂജകള് പൂര്ത്തിയാക്കി 18ന് രാത്രി ഹരിവരാസനം പാടി നട അടയ്ക്കുന്നതാണ്.
അതേസമയം ഗുരുവായൂര് ക്ഷേത്രത്തില് ബോംബ് വച്ചിട്ടുണ്ടെന്ന് ഫോണ് സന്ദേശം. ശനിയാഴ്ച രാത്രിയാണ് തിരുവനന്തപുരം പോലീസ് കണ്ട്രോള് സെല്ലിലേക്ക് ബോംബ് ഭീഷണി സന്ദേശമെത്തിയത്. ഇതേ തുടര്ന്ന് ക്ഷേത്രത്തില് നിന്നും പോലീസ് ഭക്തരെ മാറ്റി.
എന്നാല് സന്ദേശം വ്യാജമായിരുന്നുവെന്ന് പിന്നീട് കണ്ടെത്തി. ഗുരുവായൂര് നെന്മിനിയില് താമസിക്കുന്ന സജീവന് കോഴിപ്പറമ്പില് എന്നയാളായിരുന്നു ഫോണ് ചെയ്തത്. ഇയാളെ പോലീസ് കസ്റ്റഡിയിലെടുത്തു.
"
https://www.facebook.com/Malayalivartha
