സഹോദരിയുടെ അടുത്തേക്ക് പോയ യാത്ര അന്ത്യയാത്രയായി.... വൈക്കത്ത് വാഹനാപകടത്തില്‍ പരിക്കേറ്റ് ചികിത്സയിലായിരുന്ന യുവതി മരിച്ചു....

കനറാ ബാങ്ക് തമിഴ്‌നാട് തേവാരം മീനാക്ഷിപുരം ശാഖയിലെ ജീവനക്കാരിയും വൈക്കം കിഴക്കേനട ചീനത്തു മഠത്തില്‍ ഗണേഷ് ബാലസുബ്രഹ്മണ്യന്റെ മകളുമായ എം.കെ.ദിവ്യ (26) ആണ് മരിച്ചത്.

അഞ്ച് മാസം മുന്‍പ് മൈസൂരുവിലുള്ള സഹോദരിയുടെ അടുത്തേക്കു പോകുന്നതിനിടെ ലോറി ഇടിച്ചാണ് അപകടമുണ്ടായത്. ബെംഗളൂരുവിലും തുടര്‍ന്നും കൊച്ചിയിലും ചികിത്സ നടത്തിവരുന്നതിനിടെയാണ് മരണം. സംസ്‌കാരചടങ്ങുകള്‍ നടത്തി. മാതാവ്: സി.വി.കമലം. സഹോദരി: ധന്യ.

അതേസമയംഅമ്പലപ്പുഴയില്‍ കാറും ലോറിയും കൂട്ടിയിടിച്ച് ഒരു കുടുംബത്തിലെ നാലു പേര്‍ മരിച്ചു . കുടുംബത്തിന്റെ ബാധ്യത തീര്‍ക്കാനായി സൗദി അറേബ്യയില്‍ പോകാന്‍ തീരുമാനിച്ച ഷൈനിക്ക് ആദ്യ യാത്രയില്‍ തന്നെ നഷ്ടമായത് ഭര്‍ത്താവും ഏകമകനും സഹോദരനുമുള്‍പ്പെടെ നാലു പേര്‍.... വിമാനത്താവളത്തിലേക്ക് പോകവേ കാര്‍ ലോറിയുമായി കൂട്ടിയിടിച്ചാണ് അപകടം, കാര്‍ പൂര്‍ണമായി തകര്‍ന്നു, നാലു പേരുടെയും വിയോഗം താങ്ങാനാവാതെ ഉറ്റവരും ബന്ധുക്കളും നാട്ടുകാരും.

ഗുരുതരമായി പരിക്കേറ്റ ഷൈനിയെ തിരുവനന്തപുരം മെഡിക്കല്‍കോളേജ് ആശുപത്രിയില്‍ പ്രവേശിപ്പിച്ചു. ഇന്നലെ പുലര്‍ച്ചെ അഞ്ചുമണിയോടെ ദേശീയപാതയില്‍ അമ്പലപ്പുഴയ്ക്കടുത്തുണ്ടായ അപകടത്തിലാണ് ഒരു കുടുംബത്തിലെ നാലുപേര്‍ക്ക് ദാരുണമരണം സംഭവിച്ചത്.



നെടുമ്പാശ്ശേരി വിമാനത്താവളത്തിലേക്കു പോകുകയായിരുന്ന ഇവരുടെ കാര്‍ എതിര്‍ ദിശയില്‍ നിന്നും വന്ന് ലോറിയുമായി കൂട്ടിയിടിക്കുകയായിരുന്നു. കാറിലുണ്ടായിരുന്ന അഞ്ചുപേരില്‍ വിദേശത്തേക്കു പോകേണ്ടിയിരുന്ന ഷൈനിയൊഴികെ എല്ലാവരുംസംഭവസ്ഥലത്തു തന്നെ മരിച്ചു.


ഷൈനിയുടെ ഭര്‍ത്താവ് നെടുമങ്ങാടിനു സമീപം ആനാട് നെട്ടറക്കോണം അനീഷ് ഭവനില്‍ സുധീഷ് ലാല്‍ (37), ഏകമകന്‍ നിരഞ്ജന്‍ (അമ്പാടി-12), ഷൈനിയുടെ സഹോദരന്‍ ഉഴമലയ്ക്കല്‍ പരുത്തിക്കുഴി കുന്നില്‍വീട്ടില്‍ (ഷൈനി ഭവന്‍) ഷൈജു (34), സുധീഷ്‌ലാലിന്റെ അച്ഛന്റെ സഹോദരന്റെ മകന്‍ പരുത്തിക്കുഴി നന്ദനത്തില്‍ അഭിരാഗ് (നന്ദു-27) എന്നിവരാണു ദാരുണമായി മരിച്ചത്.



ഷൈനിയെ ആദ്യം ആലപ്പുഴ മെഡിക്കല്‍കോളേജ് ആശുപത്രിയിലാണെത്തിച്ചത്. പിന്നീട്, തിരുവനന്തപുരത്തേക്കു മാറ്റി. അമ്പലപ്പുഴ ജങ്ഷന് അരക്കിലോമീറ്റര്‍ തെക്കുമാറി പായല്‍കുളങ്ങരയ്ക്കു സമീപമായിരുന്നു അപകടം നടന്നത്. കാറോടിച്ചിരുന്നത് സുധീഷ് ലാലാണ്. ഉറങ്ങിപ്പോയതാകാം അപകടകാരണമെന്നു കരുതുന്നു.