ഇന്ത്യന് ബോഡി ബില്ഡിങ് ആന്ഡ് ഫിറ്റ്നസ് ഫെഡറേഷന് നടത്തിയ മിസ്റ്റര് യൂണിവേഴ്സ് ശരീര സൗന്ദര്യമത്സരത്തില് ആല്ബര്ട്ട് വില്സന് വെങ്കലത്തിളക്കം
ഇന്ത്യന് ബോഡി ബില്ഡിങ് ആന്ഡ് ഫിറ്റ്നസ് ഫെഡറേഷന് നടത്തിയ മിസ്റ്റര് യൂണിവേഴ്സ് ശരീര സൗന്ദര്യമത്സരത്തില് ആല്ബര്ട്ട് വില്സന് വെങ്കലത്തിളക്കം.
ശരീര സൗന്ദര്യമത്സരത്തില് രാജ്യാന്തര അംഗീകാരം നേടിയത് പെരുമ്പാവൂര് സ്വദേശി. ഇന്റര്നാഷനല് ഫെഡറേഷന് ഓഫ് ബോഡി ബില്ഡിങ് (ഐഎഫ്എഫ്ബി.) അംഗീകാരത്തോടെ ഇന്ത്യന് ബോഡി ബില്ഡിങ് ആന്ഡ് ഫിറ്റ്നസ് ഫെഡറേഷന് നടത്തിയ മിസ്റ്റര് യൂണിവേഴ്സ് മത്സരത്തിലാണ് വിജയം നേടിയത്. കൊടുവേലിപ്പടി പുത്തന്കുടി വീട്ടില് വില്സണ്ജിനി ദമ്പതികളുടെ മകനാണ് ആല്ബര്ട്ട്.
മത്സരം പുനെയിലായിരുന്നു .64 രാജ്യങ്ങളില് നിന്നുള്ള മത്സരാര്ഥികള് പങ്കെടുത്ത മത്സരത്തില് മിസ്റ്റര് ഇന്ത്യ എന്ന നേട്ടവും സ്വന്തമാക്കി 22 വയസ്സുള്ള ആല്ബര്ട്ട്. ശരീര സംരക്ഷണത്തിനായി ഒരു വര്ഷം നടത്തിയ പരിശ്രമങ്ങളാണു ഫലം കണ്ടത്.
പെരുമ്പാവൂര് വല്ലം ജംഗ്ഷനിലെ ഫോക്കസ് ഫിറ്റ്നസ് സെന്ററായിരുന്നു പരിശീലനക്കളരി. പരിശീലകന് സായ്കൃഷ്ണയുടെ ചിട്ടയായുള്ള പരിശീലനവും കൃത്യമായ ആഹാര നിയന്ത്രണവുമാണു രാജ്യാന്തര നേട്ടത്തിലേക്കു നയിച്ചതെന്ന് ആല്ബര്ട്ട് .
90 കിലോഗ്രം വിഭാഗത്തിലാണു വെങ്കലം കരസ്ഥമാക്കിയത്. ഇതേ മത്സരത്തില് ജൂനിയര് മിസ്റ്റര് ഇന്ത്യ പട്ടം കരസ്ഥമാക്കി സ്വര്ണമെഡലും ലഭിച്ചതോടെ വിജയത്തിന് ഇരട്ടിത്തിളക്കമായി.
മിസ്റ്റര് എറണാകുളം, മിസ്റ്റര് കേരളം, മിസ്റ്റര് സൗത്ത് ഇന്ത്യ എന്നീ പട്ടങ്ങളും നേടിയിട്ടുണ്ട്. ആല്ബര്ട്ടിന്റെ താല്പര്യവും കഴിവുകളും തിരിച്ചറിഞ്ഞ പരിശീലകന് സായ്കൃഷ്ണ സൗജന്യമായാണു സേവനം നല്കുന്നത്.
"
https://www.facebook.com/Malayalivartha
