സോഷ്യൽ മീഡിയയിൽ പലതരത്തിലുള്ള സേവ് ദ ഡേറ്റുകൾ നാം കണ്ടിട്ടുണ്ട്. ഇപ്പോൾ ഇതാ വളരെ വ്യത്യസ്തമായ ഒരു സേവ് ദ ഡേറ്റ് സമൂഹമാധ്യമങ്ങളിൽ വൈറലാകുകയാണ്. 'അവൾ അപ്പടി ഒന്നും അഴകില്ല' എന്ന ഹിറ്റ് ഗാനമാണ് ഇതിൽ ഉപയോഗിച്ചിരിക്കുന്നത്. ആ ഗാനത്തിന്റെ ആശയം തന്നെയാണ് സേവ് ദ ഡേറ്റിൽ ആവിഷ്കരിച്ചിരിക്കുന്നത്.

സെയിൽസ് ജീവനക്കാരുടെ പ്രണയം എന്നതാണ് ആശയം. ചങ്ങനാശ്ശേരി സ്വദേശികളായ സൂരജും കീർത്തനയുമാണ് സേവ് ദ് ഡേറ്റിലെ താരങ്ങൾ. ജോലി സ്ഥലത്തെ പ്രണയമാണ് ഇതിൽ കാണാൻ സാധിക്കുന്നത്. തൊടുപുഴയിലുള്ള ടെക്സ്റ്റൈൽസ് സ്ഥാപനത്തിലാണ് ഷൂട്ട് നടന്നത്. മറ്റൊരു കൺസപ്റ്റായിരുന്നു ഉണ്ടായിരുന്നത്.

എന്നാൽ അത് ഇഷ്ടമായില്ല. സ്ഥാപനത്തിലെ മാർക്കറ്റിങ് മാനേജർ നിയാസ് അവിടെ പണ്ട് സംഭവിച്ച പ്രണയകഥ പറയുകയുണ്ടായി. ആ കഥയുടെ അടിസ്ഥാനത്തിലാണ് സേവ് ദ് ഡേറ്റ് തയ്യാറാക്കിയിരിക്കുന്നത്. സ്ഥാപനത്തിലെ ജീവനക്കാരൻ രാഹുൽ ഇവർക്ക് ആവശ്യമായ സഹായങ്ങൾ ചെയ്തു നൽകി. ദുബായിൽ ഡിസൈൻ മാനേജറാണ് വരൻ സൂരജ് .

വധു കീർത്തന ഓസ്ട്രേലിയയിൽ ഫിസിയോ തെറാപ്പിസ്റ്റുമാണ്. 9 വർഷമായി പ്രണയിക്കുകയാണിവർ. പക്ഷേ ഇക്കാലം മൂന്നു പ്രാവശ്യമേ നേരിട്ട് കണ്ടിട്ടുള്ളൂ. സമൂഹമാധ്യമങ്ങളിൽ നല്ല രീതിയിൽ സേവ് ദ് ഡേറ്റിന് അഭിപ്രായം ലഭിക്കുന്നുണ്ട്.

ആത്രയേ വെഡ്ഡിങ് സ്റ്റോറീസ് ആണ് സേവ് ദ് ഡേറ്റ് ഒരുക്കിയത്. ജോർജ് കുട്ടി മാത്യു വിഡിയോഗ്രഫിയും ജിബിൻ ജോയ് ഫൊട്ടോഗ്രഫിയും ചെയ്തിരിക്കുന്നു. ഗോകുൽ ആണ് എഡിറ്റിങ് ചെയ്തത്. അത്രേയ വെഡ്ഡിങ് സ്റ്റോറീസ് ഉടമ ജിബിൻ ജോയ് ആണ് .