സംസ്ഥാനത്ത് ട്രോളിങ് നിരോധനം നാളെ അവസാനിക്കും... മത്സ്യബന്ധന ഹാര്ബറുകളില് പ്രതീക്ഷയോടെ ഒരുക്കങ്ങള് തുടങ്ങി
സംസ്ഥാനത്ത് ട്രോളിങ് നിരോധനം നാളെ അവസാനിക്കും. 52 ദിവസം നീണ്ടുനിന്ന ട്രോളിങ് നിരോധനമാണ് നാളെ അര്ധരാത്രിയോടെ അവസാനിക്കുന്നത്. മത്സ്യബന്ധന ഹാര്ബറുകളില് പ്രതീക്ഷയോടെ ഒരുക്കങ്ങള് തുടങ്ങി. ശനിയാഴ്ച പുലര്ച്ചെയേടെ ബോട്ടുകള് കടലില് ഇറങ്ങുകയും ചെയ്യും.
ട്രോളിങ് നിരോധനം അവസാനിക്കാനിരിക്കെ, നാട്ടിലേക്കുപോയ ഇതര സംസ്ഥാന തൊഴിലാളികള് തിരിച്ചെത്തി. ബോട്ടുകള് എന്ജിന് പണിയും മറ്റും കഴിച്ച് പെയിന്റടിച്ച് ഒരുങ്ങി. പുതിയ വലകളും തയ്യാറായി കഴിഞ്ഞു. ഐസും വെള്ളവും മറ്റ് അവശ്യസാധനങ്ങളും ഒരുക്കുന്ന തിരക്കിലാണ് തൊഴിലാളികള്. ട്രോളിങ് നിരോധന സമയത്ത് പരമ്പരാഗത മത്സ്യത്തൊഴിലാളികള്ക്ക് മത്തിയും ചെമ്മീനും ലഭിച്ചിരുന്നു. കിളിമീന്, കൂന്തള്, ചെമ്മീന് എന്നിവയിലാണ് ബോട്ടുകാര്ക്ക് പ്രതീക്ഷയുള്ളത്.
പരമ്പരാഗത മത്സ്യത്തൊഴിലാളികള്ക്ക് ട്രോളിങ് നിരോധന കാലയളവില് കടലില് പോകുന്നതിന് തടസ്സമില്ലെങ്കിലും മത്സ്യത്തിന്റെ ലഭ്യതയില് ഇത്തവണ വലിയ കുറവാണ് രേഖപ്പെടുത്തിയിരിക്കുന്നത്. ഇത് മീനിന്റെ വില ഗണ്യമായി വര്ധിക്കാനും കാരണമായി.
"
https://www.facebook.com/Malayalivartha
