മുഖ്യമന്ത്രി പിണറായി വിജയനെതിരെ പ്രതിപക്ഷനേതാവ് വി ഡി സതീശൻ രംഗത്തു വന്നിരിക്കുകയാണ് അദ്ദേഹത്തിന്റെ വാക്കുകൾ ഇങ്ങനെ; ഗുജറാത്തില്‍ സദ്ഭരണമാണ് നടക്കുന്നതെന്നാണ് മുഖ്യമന്ത്രി പിണറായി വിജയന്റെ കണ്ടെത്തല്‍. ആ സദ്ഭരണം പഠിക്കുന്നതിന് ചീഫ് സെക്രട്ടറിയെ ഗുജറാത്തിലേക്ക് അയച്ചിരിക്കുകയാണ്.

മോദിയുടെ സദ്ഭരണം പഠിക്കാന്‍ പിണറായി ഇനി എന്നാണ് ഡല്‍ഹിയിലേക്ക് പോകുന്നതെന്നു കൂടി അറിഞ്ഞാല്‍ മതി. പകല്‍ ബി.ജെ.പി വിരോധം പറയുകയും രാത്രിയാകുമ്പോള്‍ സംഘപരിവാറുമായി സന്ധി ചേരുകയും ചെയ്യുന്ന നിലപാടാണ് സി.പി.എമ്മിന്റേതെന്നും വി ഡി സതീശൻ പറഞ്ഞു കഴിഞ്ഞ ദിവസം ഈ വിഷയത്തിൽ സന്ദീപ് വചസ്പതി തന്റെ പ്രതികരണമറിയിച്ചിരുന്നു.

അത് ഇങ്ങനെ ആയിരുന്നു; യൂറോപ്യൻ നിലവാരത്തിലുള്ള ഭരണം നടക്കുന്ന ഒന്നാം നമ്പർ കേരളത്തിന് സദ്ഭരണം കണ്ട് പഠിക്കാൻ ഗുജറാത്തിൽ പോകണമത്രെ. ലജ്ജാകരം. തൊട്ടുകൂടാത്ത, തീണ്ടികൂടാത്ത, ദൃഷ്ടിയിൽ പെട്ടാൽ പോലും ദോഷമുള്ള മോദി എന്നൊക്കെ പറഞ്ഞ് അയിത്തം പാലിച്ച ആ നാളുകൾ ആരും മറന്നിട്ടില്ല. ഭരണം അത്ര പോര എന്ന് മുഖ്യമന്ത്രിക്ക് തന്നെ തോന്നിതുടങ്ങിയ സ്ഥിതിക്ക് ഭക്തജന സംഘങ്ങൾ കുറച്ചു കാലത്തേക്ക് എങ്കിലും ലൗഡ് സ്പീക്കർ ഓഫ്‌ ചെയ്ത് വെക്കുന്നത് നന്നായിരിക്കുമെന്ന് സന്ദീപ് വചസ്പതി പറഞ്ഞത്.