കൊലപ്പെടുത്തേണ്ടവരുടെ പട്ടിക തയ്യാറാക്കി നടത്തിയ സംസ്ഥാനത്തെ ആദ്യകൊലപാതകം.... ആര്.എസ്.എസ്. പ്രവര്ത്തകന് ശ്രീനിവാസന് വധിക്കപ്പെട്ട കേസില് സംസ്ഥാനത്ത് ഇതുവരെ കാണാത്തതരത്തിലുള്ള ഗൂഢാലോചന നടന്നതായി പോലീസ്
കൊലപ്പെടുത്തേണ്ടവരുടെ പട്ടിക തയ്യാറാക്കി നടത്തിയ സംസ്ഥാനത്തെ ആദ്യകൊലപാതകം.... ആര്.എസ്.എസ്. പ്രവര്ത്തകന് ശ്രീനിവാസന് വധിക്കപ്പെട്ട കേസില് സംസ്ഥാനത്ത് ഇതുവരെ കാണാത്തതരത്തിലുള്ള ഗൂഢാലോചന നടന്നതായി പോലീസ്.
കേസില് അറസ്റ്റിലായ മുഹമ്മദ് ബിലാല്, റിയാസുദീന്, സഹദ്, മുഹമ്മദ് റിസ്വാന് എന്നിവരുടെ കസ്റ്റഡിയാണ് പോലീസ് ആവശ്യപ്പെട്ടിട്ടുള്ളത്. പട്ടികയില്നിന്ന് തിരഞ്ഞെടുത്താണ് ശ്രീനിവാസനെ കൊല്ലാന് തീരുമാനമെടുത്തത്.
വലിയതോതില് ഗൂഢാലോചനകളും നടന്നു. മുഹമ്മദ് ബിലാലും റിയാസുദീനും ഗൂഢാലോചനയില് സജീവമായി പങ്കെടുത്തവരാണ്. പ്രതികള്ക്ക് ആയുധമെത്തിച്ചു കൊടുത്തു.
റിസ്വാനാണ് പ്രതികളുടെ മൊബൈല് ഫോണ് ശേഖരിച്ച് തെളിവുനശിപ്പിക്കാന് ശ്രമിച്ചതെന്നും അന്വേഷണസംഘം വ്യക്തമാക്കുന്നു. പ്രതികള്ക്ക് ജാമ്യം നല്കിയാല് തെളിവുനശിപ്പിക്കുമെന്ന ആശങ്കയും റിപ്പോര്ട്ടില് പോലീസ് പങ്കുവെയ്ക്കുന്നുണ്ട്. പോലീസ് നിലപാട് പരിഗണിച്ച കോടതി നാലുപ്രതികളെയും ഞായറാഴ്ചവരെ പോലീസ് കസ്റ്റഡിയില് വിട്ടു.
അതേസമയം ഏപ്രില് 16-നാണ് ആര്.എസ്.എസ്. മുന് ശാരീരിക് ശിക്ഷണ് പ്രമുഖ് ശ്രീനിവാസന് വെട്ടേറ്റുമരിച്ചത്. മൂന്ന് ഇരുചക്രവാഹനങ്ങളിലെത്തിയ ആറുപേരടങ്ങിയ സംഘത്തിലെ മൂന്നുപേരാണ് ശ്രീനിവാസനെ മേലാമുറിയിലെ കടയില് കയറി ആക്രമിച്ചത്.
"
https://www.facebook.com/Malayalivartha
