പ്രമുഖ തിമില കലാകാരനായ തൃപ്രയാര്‍ രാജപ്പന്‍ മാരാര്‍ അന്തരിച്ചു. 89 വയസായിരുന്നു. തൃശൂര്‍ പൂരത്തിലെ വിവിധ ഘടക പൂരങ്ങളില്‍ പങ്കെടുത്തിട്ടുള്ളയാളായിരുന്നു.



ആറു പതിറ്റാണ്ടിലേറെ കാലം ആറാട്ട് പുഴ പൂരവുമായി ബന്ധപെട്ട് തൃപ്രയാര്‍ തേവരുടെ ഗ്രാമ പ്രദക്ഷിണത്തില്‍ കുറുവേലയില്‍ പങ്കെടുത്തു. നിരവധി വര്‍ഷം കുറുവേലയിലെ പ്രമാണി ആയിരുന്നു.

ചെണ്ട, സോപാന സംഗീതം എന്നിവയിലും അദ്ദേഹം കഴിവ് തെളിച്ചിട്ടുണ്ട്. ആറാട്ടുപുഴ, തൃപ്രയാര്‍, കൂടല്‍ മാണിക്യം, തൃപ്രയാര്‍ തുടങ്ങി പ്രമുഖ ക്ഷേത്രങ്ങളില്‍ പ്രതിഭ തെളിച്ചിട്ടുണ്ട്.


മാരാര്‍ യോഗ ക്ഷേമ സഭയുടെ ഭാരവാഹി പ്രവര്‍ത്തിച്ചിട്ടുണ്ട്. വിവിധ ക്ഷേത്രങ്ങളില്‍ നിന്നടക്കം നിരവധി പുരസ്‌കാരങ്ങളും ലഭിച്ചു. തൃപ്രയാര്‍ കിഴക്കേ നട പൈന്നൂര്‍ ആമലത്ത് കുളങ്ങര ക്ഷേത്രത്തിനു സമീപമായിരുന്നു താമസം.