വിദ്വേഷ പ്രസംഗക്കേസ് പി സി യുടെ ജാമ്യം റദ്ദാക്കണമെന്ന് സര്ക്കാര്... 11 ന് ഇരു ഭാഗവും വാദം ബോധിപ്പിക്കാന് കോടതി ഉത്തരവിട്ടു
വിദ്വേഷ പ്രസംഗക്കേസ് മുന് എംഎല്എ പി. സി. ജോര്ജിന്റെ ജാമ്യം റദ്ദാക്കണമെന്ന് സര്ക്കാര് തിരുവനന്തപുരം രണ്ടാം ജുഡീഷ്യല് ഫസ്റ്റ് ക്ലാസ്സ് മജിസ്ട്രേട്ട് കോടതിയില് ഹര്ജി ഫയല് ചെയ്തു. ഹര്ജിയില് ഇരു ഭാഗത്തിന്റെയും വാദം 11ന് ബോധിപ്പിക്കാന് കോടതി ഉത്തരവിട്ടു.
പ്രസംഗം ആവര്ത്തിക്കരുതെന്ന ജാമ്യ വ്യവസ്ഥ പി.സി. ലംഘിച്ചതിനാല് മെയ് 1ന് അനുവദിച്ച ജാമ്യം റദ്ദാക്കി പ്രതിക്കെതിരെ അറസ്റ്റ് വാറണ്ട് പുറപ്പെടുവിച്ച് ജയിലിലടക്കണമെന്നാണ് സര്ക്കാര് ആവശ്യം. ജാമ്യം നേടി കോടതിക്ക് പുറത്തിറങ്ങിയ പി.സി. പ്രസംഗത്തില് ഉറച്ചു നില്ക്കുമെന്ന് മാധ്യമങ്ങളുടെ ചോദ്യത്തിന് മറുപടിയായി പറഞ്ഞത് ജാമ്യവ്യവസ്ഥയുടെ ലംഘനമാണെന്ന് കാണിച്ചാണ് സര്ക്കാര് ഹര്ജി.
അതേ സമയം ജാമ്യം അനുവദിച്ച അതേ കോടതിക്ക് ജാമ്യം റദ്ദാക്കാന് നിയമപരമായ പരിമിതികളുണ്ട്. പ്രതിക്ക് നല്കിയ സ്വാതന്ത്ര്യം പ്രതി ദുരുപയോഗപ്പെടുത്തിയെന്ന് കോടതിക്ക് ബോധ്യപ്പെട്ടാല് മാത്രമേ അതേ കോടതിക്ക് ജാമ്യം റദ്ദാക്കാന് നിയമപരമായി സാധിക്കുകയുള്ളു.
" f
https://www.facebook.com/Malayalivartha
