എന്നെ നിര്‍ബന്ധിക്കരുതെന്ന് യേശുദാസ്, ഗാന്ധി ജയന്തി ദിനത്തില്‍ ദേശത്തിനായി പാടാതെ ഗാനഗന്ധര്‍വന്‍ മടങ്ങി, കൂടെ പാടാന്‍ കൊതിച്ച കുട്ടികള്‍ക്കു നിരാശ
എന്നെ നിര്‍ബന്ധിക്കരുത് ഞാന്‍ പാടില്ല, ഗാന്ധിജയന്തി വാരാഘോഷത്തിന്റെ ഭാഗമായി സംഘടിപ്പിച്ച ദേശത്തിനായി പാടൂ എന്ന പരിപാടിയിലായിരുന്നു ഗാനഗന്ധര്‍വന്‍ യേശുദാസിന്റെ ഗര്‍വ്. പരിപാടി നടക്കുന്ന സെന്‍ട്രല്‍ സ്‌റ്റേഡിയത്തില്‍ കഴിഞ്ഞ ദിവസം പെയ്ത മഴയില്‍ സ്‌റ്റേഡിയത്തില്‍ ചെളിയുണ്ടായതാണത്രേ കാരണം.യേശുദാസിനൊപ്പം പാട്ടുപാടാന്‍ കഴിയുമെന്നാശിച്ച് മണിക്കൂറുകളോളം കാത്തുനിന്ന കുട്ടികള്‍ക്ക് ഗാനഗന്ധര്‍വന്റെ ഉറച്ച നിലപാടില്‍ നിരാശയും ചിലര്‍ക്ക് സങ്കടവും വന്നും. കുട്ടികള്‍ക്കൊപ്പം പാടാനും മൈതാനത്തിറങ്ങാനും വിസമ്മതിച്ച അദ്ദേഹം കുട്ടികള്‍ക്കു നേരേ കൈവീശിയതു കൂടിയില്ല. സംഘാടകര്‍ ഏറെ നിര്‍ബന്ധിച്ചെങ്കിലും വിദ്യാര്‍ഥികള്‍ക്കൊപ്പം പാടില്ലെന്ന നിലപാടില്‍ യേശുദാസ് ഉറച്ചുനിന്നു. വേദിയില്‍ നിന്ന് ഇറങ്ങി അവര്‍ക്കൊപ്പം നില്‍ക്കണമെന്ന ആവശ്യത്തോടും ആദ്യം മുഖംതിരിച്ചു. ഏറെ നേരത്തെ അഭ്യര്‍ഥനയെ തുടര്‍ന്ന് അദ്ദേഹം വേദിയില്‍ നിന്ന് ഇറങ്ങി കുട്ടികള്‍ നില്‍ക്കുന്ന ഭാഗത്തേക്ക് ഇന്നോവ കാറില്‍ എത്തി. യേശുദാസ് തങ്ങളോടൊപ്പം പാടുമെന്നു പ്രതീക്ഷിച്ച കുട്ടികള്‍ ആര്‍പ്പുവിളിച്ചു. എന്നാല്‍ കാറില്‍ നിന്ന് ഇറങ്ങാന്‍ അദ്ദേഹം തയാറായില്ല. സംസ്ഥാന അവാര്‍ഡ് ജേതാക്കളായ സുധീപ് കുമാര്‍, രാജലക്ഷ്മി എന്നിവരുള്‍പ്പെട്ട ഗായകസംഘം വേദിയിലുണ്ടായിരുന്നു.
സംസ്ഥാന സര്‍ക്കാരിന്റെ പബ്ലിക് റിലേഷന്‍സ് ആന്‍ഡ് ഇന്‍ഫര്‍മേഷന്‍ വകുപ്പ് തിരുവനന്തപുരം ത്തിലാണ് പരിപാടി സംഘടിപ്പിച്ചത്. ജില്ലയിലെ വിവിധ സ്‌കൂളുകളിലെ കുട്ടികളെയാണ് പരിപാടിക്കുവേണ്ടി വാഹനങ്ങളില്‍ കൊണ്ടുവന്നത്. മുന്‍ മുഖ്യമന്ത്രി എ.കെ. ആന്റണി, മന്ത്രിമാരായ രമേശ് ചെന്നിത്തല, കെ.സി. ജോസഫ് എന്നിവരും പരിപാടിയില്‍ പങ്കെടുത്തു.യേശുദാസും നേതാക്കളും പോയതോടെ വേദിയും സദസും ഒഴിഞ്ഞു. കാണാനും കേള്‍ക്കാനും ആരുമില്ലാതിരുന്നിട്ടും കുട്ടികള്‍ ഗാന്ധിജിയുടെ ഇഷ്ടകീര്‍ത്തനങ്ങള്‍ ആലപിച്ചു. കുട്ടികള്‍ ഭാവിപ്രതീക്ഷയാണെന്നു പ്രസംഗിച്ച യേശുദാസ് പ്രവൃത്തിയില്‍ കുട്ടികളെ അവഗണിച്ചതിനെതിരേ വിമര്‍ശനമുയരുന്നുണ്ട്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
