നടിയെ ആക്രമിച്ച കേസില് തുടരന്വേഷണത്തിന് സമയം തേടിയുള്ള പ്രോസിക്യൂഷന് ഹര്ജി ഹൈക്കോടതി ഇന്ന് പരിഗണിക്കും... സമയം നീട്ടരുതെന്ന് ആവശ്യപ്പെട്ട് എതിര് സത്യവാങ്മൂലം സമര്പ്പിച്ച് ദിലീപ്...
നടിയെ ആക്രമിച്ച കേസില് തുടരന്വേഷണത്തിന് സമയം തേടിയുള്ള പ്രോസിക്യൂഷന് ഹര്ജി ഹൈക്കോടതി ഇന്ന് പരിഗണിക്കും... സമയം നീട്ടരുതെന്ന് ആവശ്യപ്പെട്ട് എതിര് സത്യവാങ്മൂലം സമര്പ്പിച്ച് ദിലീപ്...
അന്വേഷണം പൂര്ത്തിയാക്കി വിചാരണക്കോടതിയില് റിപ്പോര്ട്ട് നല്കാന് ഹൈക്കോടതി അനുവദിച്ചിരുന്ന സമയം 30 ന് അവസാനിച്ചിരുന്നു. എന്നാല് ഫോണുകളില്നിന്നും മറ്റും ലഭിച്ച വിവരങ്ങളുടെ പരിശോധന പൂര്ത്തിയായിട്ടില്ലെന്നും ശേഖരിച്ച തെളിവുകളില് കൂടുതല് അന്വേഷണം വേണമെന്നും ചൂണ്ടിക്കാട്ടിയാണ് സര്ക്കാര് കോടതിയെ സമീപിച്ചത്.
മറുപടിക്ക് പ്രോസിക്യൂഷന് സമയം ആവശ്യപ്പെട്ടതിനെ തുടര്ന്നാണ് ജസ്റ്റിസ് കൗസര് എടപ്പഗത്ത് ഹര്ജി ബുധനാഴ്ചത്തേക്ക് മാറ്റിയത്.
അതിനിടെ ദിലീപിന്റെ അഭിഭാഷകര് സാക്ഷികളെ സ്വാധീനിക്കാന് ശ്രമിച്ചെന്ന അതിജീവിതയുടെ പരാതിയില് അഭിഭാഷകന് ബി രാമന്പിള്ള ബാര് കൗണ്സിലിന് വിശദീകരണം നല്കി. നടിയുടെ ആരോപണം രാമന്പിള്ള നിഷേധിച്ചു.
സാക്ഷികളെ സ്വാധീനിക്കുകയോ തെളിവ് നശിപ്പിക്കുകയോ ചെയ്തിട്ടില്ലെന്ന് വിശദീകരണത്തില് പറഞ്ഞു. മറുപടിയുടെ പകര്പ്പ് ബാര് കൗണ്സില് നടിക്ക് കൈമാറി.
ക്വട്ടേഷന് നല്കിയ പ്രകാരം നടിയെ തട്ടക്കൊണ്ട് പോയി പീഡിപ്പിച്ച കേസിലെ തൊണ്ടിമുതലായ വീഡിയോ ദൃശ്യങ്ങള് ലഭിച്ചിട്ടുണ്ടെന്നും അത് ദിലീപിന്റെ സഹോദരന് അനൂപിന്റെ ഫോണില് നിന്ന് ലഭിച്ച ഡിജിറ്റല് തെളിവുമായി ഒത്തുനോക്കാനാണ് സമയം ചോദിച്ചത്. പീഡന ദൃശ്യങ്ങള് നേരില് കണ്ട് അതിലെ സംഭാഷണങ്ങളും സൂക്ഷ്മമായ വിശദാംശങ്ങളും എഴുതിയെടുത്തതു പോലുള്ള 4 പേജുകളാണ് അനൂപിന്റെ ഫോണ് പരിശോധിച്ചതില് നിന്നും കണ്ടെത്തിയത്. ഇതായിരിക്കും ഒത്ത് നോക്കുക.
പ്രതിഭാഗം വിചാരണക്കോടതിയെ സ്വാധീനിക്കാന് ശ്രമം നടത്തിയെന്ന് ധ്വനിപ്പിക്കുന്ന സംഭാഷണം അടങ്ങിയ ശബ്ദരേഖയും പ്രോസിക്യൂഷന് കോടതിയില് സര്പ്പിച്ചിട്ടുണ്ട്. പ്രതിഭാഗത്തിന്റെ നീക്കങ്ങളെ തുടര്ന്നു വിചാരണക്കോടതി സ്വാധീനിക്കപ്പെട്ടുവെന്നു വിശ്വസിക്കുന്നില്ലെന്നും പ്രോസിക്യൂഷന് വിശദീകരിക്കുന്നുണ്ട്. ദിലീപിന്റെ ജാമ്യം റദ്ദാക്കാനുള്ള ഹര്ജിയില് പ്രോസിക്യൂഷന് വാദം ഇന്നലെ പൂര്ത്തിയായിട്ടുണ്ടായിരുന്നു.
"
https://www.facebook.com/Malayalivartha
