എല്ലാം തുറന്ന് പറഞ്ഞ് വിജയ് ബാബു... തനിക്കെതിരെയുള്ള കേസ് കെട്ടിചമച്ചതാണ്; നടന്നതെല്ലാം പരസ്പരസമ്മതത്തോടെ; ഒളിവില്‍ പോകാന്‍ ആരും സഹായിച്ചിട്ടില്ല;സിനിമ മേഖലയില്‍ ചിലര്‍ക്കുള്ള വ്യക്തിവിരോധമാണ് പരാതിക്ക് കാരണം
യുവനടി നല്‍കിയ ലൈംഗീകാരോപണക്കേസ് കെട്ടിചമച്ചതാണെന്ന് വിജയ്ബാബു. പരസ്പരസമ്മതപ്രകാരമുള്ള ലൈംഗിക ബന്ധമായിരുന്നുവെന്നാണ് മൊഴി. കഴിഞ്ഞദിവസം ഒന്‍പത് മണിക്കൂറോളമാണ് വിജയ്ബാബുവിനെ ചോദ്യം ചെയ്തത്. ഇന്നും ഹാജരാകണമെന്ന് പൊലീസ് നിര്‍ദേശം. സിനിമയില്‍ അവസരം നല്‍കാത്തതിലുള്ള വൈരാഗ്യമാണ്.
ഒളിവില്‍ പോകാന്‍ ആരും സഹായിച്ചിട്ടില്ലെന്നും വിജയ് ബാബു. ഹൈക്കോടതി ഇടക്കാല മുന്‍കൂര്‍ ജാമ്യം നല്‍കിയതോടെയാണ് വിജയ് ബാബു കൊച്ചിയില്‍ തിരിച്ചെത്തിയത്. ദുബായില്‍ നിന്ന് നെടുംബാശേരിയിലേക്കുള്ള എമറൈറ്റ്‌സ് വിമാനത്തിലായിരുന്നു യാത്ര. നാട്ടില്‍ എത്തിയാലുടന്‍ അന്വേഷണ ഉദ്യോഗസ്ഥനു മുന്നില്‍ ഹാജരാവന്‍ ഹൈക്കോടതി നിര്‍ദേശിച്ചതിനാല്‍ നേരെ കൊച്ചി സൗത്ത് പൊലീസ് സ്‌റ്റേഷനിലേക്ക് തിരിച്ചു.
വഴി മധ്യേ ക്ഷേത്രദര്‍ശനം. പത്തേ മുക്കാലോടെ സൗത്ത് പൊലീസ് സ്‌റ്റേഷനിലെത്തി. അന്വേഷണ ഉദ്യോഗസ്ഥന് മുന്നില്‍ ഹാജരായി. കേസില്‍ തെളിവുകളും സാക്ഷി മൊഴികളും ശേഖരിച്ച പൊലീസ് വിജയ് ബാബുവിനെ ചോദ്യം ചെയ്തശേഷം തുടര്‍നടപടികളിലേക്ക് കടക്കും. സിനിമ മേഖലയില്‍ ചിലര്‍ക്കുള്ള വ്യക്തിവിരോധമാണ് പരാതിക്ക് കാരണമെന്ന് ആരോപിച്ച് വിജയ് ബാബുവിന്റെ കുടുംബം കൊച്ചി കമ്മിഷണറെ കണ്ടിരുന്നു. അതിലും അന്വേഷണം നടക്കുകയാണ്. മുന്‍കൂര്‍ ജാമ്യാപേക്ഷ ഹൈകോടതി നാളെ പരിഗണിക്കും.
39 ദിവസത്തിനു ശേഷം, ബുധനാഴ്ച രാവിലെ ദുബായില്‍ നിന്നുള്ള വിമാനത്തിലാണു കൊച്ചിയിലെത്തിയത്. തൊട്ടു പിന്നാലെ ഇദ്ദേഹത്തിന്റെ പാസ്‌പോര്‍ട്ട് ഇമിഗ്രേഷന്‍ വിഭാഗം പിടിച്ചെടുത്തു. ഹൈക്കോടതി വ്യാഴാഴ്ച വരെ ഇടക്കാല മുന്‍കൂര്‍ജാമ്യം അനുവദിച്ചതിനു പിന്നാലെയാണു വിജയ് ബാബുവിന്റെ മടക്കം.
വിമാനത്താവളത്തില്‍ കാത്തു നിന്ന മാധ്യമപ്രവര്‍ത്തകര്‍ക്കു മുന്നിലെത്തി 'കേസിനെ നിയമപരമായി നേരിടും, അന്വേഷണവുമായി സഹകരിക്കും, കോടതിയില്‍ വിശ്വാസമുണ്ട്, സത്യം കോടതിയില്‍ തെളിയിക്കും, പ്രതിസന്ധി ഘട്ടത്തില്‍ ഒപ്പംനിന്ന കുടുംബത്തിനും സുഹൃത്തുക്കള്‍ക്കും നന്ദി' എന്നു മാത്രം പ്രതികരിച്ചു വിജയ് ബാബു വാഹനത്തില്‍ കയറിപ്പോയി.
എന്തുകൊണ്ടാണ് ഒളിവില്‍ പോയതെന്ന ചോദ്യത്തോടു പ്രതികരിച്ചില്ല. വിജയ് ബാബു നാട്ടിലെത്തിയ ശേഷമായിരിക്കും മുന്‍കൂര്‍ ജാമ്യാപേക്ഷയില്‍ വാദം കേള്‍ക്കുക എന്നു കഴിഞ്ഞ ദിവസം കേസ് പരിഗണിക്കുമ്പോള്‍ ഹൈക്കോടതി വ്യക്തമാക്കിയിരുന്നു.
കേസിന്റെ മെറിറ്റിലേയ്ക്കു കടക്കാതെ പ്രതി നാട്ടിലെത്തുന്നതു വരെ അറസ്റ്റ് തടയുകയാണ് എന്നു വ്യക്തമാക്കിയായിരുന്നു കോടതി നടപടി. വിജയ് ബാബു നാട്ടിലെത്തിയാല്‍ കസ്റ്റഡിയില്‍ എടുക്കുമെന്നു നേരത്തേ കേസ് പരിഗണിക്കുമ്പോള്‍ പൊലീസ് കോടതിയില്‍ പറഞ്ഞിരുന്നു. പ്രതിക്കെതിരെ ശക്തമായ തെളിവുണ്ടെന്ന നിലപാടാണു പൊലീസിന്റേത്.
https://www.facebook.com/Malayalivartha
