സില്വര്ലൈനില് ഭൂമി ഏറ്റെടുക്കല് തുടങ്ങും... പദ്ധതിയുമായി മുന്നോട്ട് പോകാന് കേന്ദ്രസര്ക്കാര് നിര്ദേശമുണ്ട്
സില്വര്ലൈനില് ഭൂമി ഏറ്റെടുക്കല് തുടങ്ങുമെന്ന് എല്ഡി എഫ് സര്ക്കാരിന്റെ പ്രോഗ്രസ് റിപ്പോര്ട്ട്. പദ്ധതിയുമായി മുന്നോട്ട് പോകാന് കേന്ദ്രസര്ക്കാര് നിര്ദേശമുണ്ടെന്ന് പ്രോഗ്രസ് റിപ്പോര്ട്ടില് വ്യക്തമാക്കുന്നു. കോഴിക്കോട്, തിരുവനന്തപുരം ലൈറ്റ് മെട്രോകള്ക്ക് അനുമതി ലഭിച്ചാല് നടപ്പാക്കുമെന്നും റിപ്പോര്ട്ടില് പറയുന്നു.
ഡി.പി.ആര് റെയില്വേ മന്ത്രാലയത്തിന്റെ പരിഗണനയിലാണ്. പ്രാരംഭ നടപടികളുമായി മുന്നോട്ട് പോകാനാണ് കേന്ദ്ര ധനമന്ത്രാലയത്തില് നിന്നും ലഭിച്ച നിര്ദേശമെന്നും സര്ക്കാര് വ്യക്തമാക്കുന്നു.
അതേസമയം കെഎസ്ആര്ടിസിയെ പുനസംഘടിപ്പിക്കാനുള്ള നീക്കങ്ങളുമായി സര്ക്കാര് മുന്നോട്ട് പോകും. എല്ഡിഎഫ് സര്ക്കാരിന്റെ പ്രോഗസ് റിപ്പോര്ട്ടിലാണ് ഇക്കാര്യം പറയുന്നത്. കെഎസ്ആര്ടിസിയെ സ്വന്തം കാലില് നില്ക്കാന് പര്യാപ്തമാക്കും. മിനിമം സബ്സിഡി അടിസ്ഥാനത്തില് ആയിരിക്കും ഇതെന്നും സംസ്ഥാന സര്ക്കാര് പ്രോഗ്രസ് റിപ്പോര്ട്ടില് പറയുന്നു.
സ്വയംപര്യാപ്തമാകും വരെ കെഎസ്ആര്ടിസിയുടെ ബാങ്ക് കണ്സോര്ഷ്യം വായ്പകള് സര്ക്കാര് തിരിച്ചടക്കും. ജീവനക്കാര്ക്ക് ശമ്പളവും പെന്ഷനും സര്ക്കാര് ഉറപ്പാക്കുമെന്നും സര്ക്കാരിന്റെ ഒന്നാം വാര്ഷികത്തോടനുബന്ധിച്ച് പുറത്തിറക്കിയ പ്രോഗ്രസ് റിപ്പോര്ട്ടില് പറയുന്നു.
https://www.facebook.com/Malayalivartha
