ആറുലക്ഷം പേര്ക്ക് പുതുതായി തൊഴില്.... സംസ്ഥാനത്ത് വ്യവസായസ്ഥാപനങ്ങളുടെ എണ്ണം അഞ്ചുവര്ഷംകൊണ്ട് മൂന്നുലക്ഷമായി ഉയര്ത്തുമെന്ന് മുഖ്യമന്ത്രി പിണറായി വിജയന്....
ആറുലക്ഷം പേര്ക്ക് പുതുതായി തൊഴില്.... സംസ്ഥാനത്ത് വ്യവസായസ്ഥാപനങ്ങളുടെ എണ്ണം അഞ്ചുവര്ഷംകൊണ്ട് മൂന്നുലക്ഷമായി ഉയര്ത്തുമെന്ന് മുഖ്യമന്ത്രി പിണറായി വിജയന്....
ഇതില് ഒരു ലക്ഷം തൊഴിലവസരങ്ങളെങ്കിലും അഭ്യസ്തവിദ്യര്ക്ക് യോജിക്കുന്നതാകും. ഈ സാമ്പത്തികവര്ഷം സംരംഭകവര്ഷമായി ആചരിച്ച് ഒരു ലക്ഷം സംരംഭങ്ങള് തുടങ്ങും. അതുവഴി മൂന്നുലക്ഷം പേര്ക്കെങ്കിലും തൊഴിലവസരങ്ങള് സൃഷ്ടിക്കാനാണ് സര്ക്കാര് ലക്ഷ്യമിടുന്നതെന്നും മുഖ്യമന്ത്രി .
രണ്ടാം ഇടതുസര്ക്കാരിന്റെ ഒന്നാം വാര്ഷികാഘോഷത്തിന്റെ സമാപനത്തില് സര്ക്കാരിന്റെ പ്രോഗ്രസ് റിപ്പോര്ട്ട് പുറത്തിറക്കി സംസാരിക്കുകയായിരുന്നു അദ്ദേഹം. നിശാഗന്ധി ഓഡിറ്റോറിയത്തില്നടന്ന സമാപനച്ചടങ്ങില് റവന്യൂമന്ത്രി കെ. രാജന് അധ്യക്ഷനായി. ഇടതുസര്ക്കാര് ആറുവര്ഷം പൂര്ത്തിയാക്കുമ്പോള് അത് ജനകീയബദലിന്റെ ആറുവര്ഷമാണെന്ന് അദ്ദേഹം പറഞ്ഞു. മന്ത്രിമാര്, ഉയര്ന്ന ഉദ്യോഗസ്ഥര് തുടങ്ങിയവര് ചടങ്ങില് പങ്കെടുത്തു.
മുഖ്യമന്ത്രിയുടെ പ്രധാന പ്രഖ്യാപനങ്ങളിങ്ങനെ.....
2030-ഓടെ സംസ്ഥാനത്തെ എല്ലാ പൊതുമേഖലാസ്ഥാപനങ്ങളും ലാഭത്തിലാക്കും. ഇക്കൊല്ലം 25.5 ലക്ഷം പുതിയ ജലവിതരണ കണക്ഷന് നല്കും. പത്തുജില്ലകളിലായി 443 കിലോമീറ്റര് റോഡ് ഏഴുവര്ഷത്തേക്ക് പരിപാലനത്തിനായി കരാര് നല്കുന്നു. 504 പ്രാഥമികാരോഗ്യകേന്ദ്രങ്ങളെ കുടുംബാരോഗ്യകേന്ദ്രങ്ങളാക്കും.
തിരുവനന്തപുരം അടക്കമുള്ള ജില്ലകളില് സിറ്റി ഗ്യാസ് കണക്ഷന് ഉറപ്പാക്കും. കോവളം-ബേക്കല് ജലപാത യാഥാര്ഥ്യമാക്കും. കോട്ടയത്ത് അടുത്തിടെ ഉദ്ഘാടനംചെയ്ത കേരള പേപ്പര്പ്രൈവറ്റ് ലിമിറ്റഡിനെ 3200 കോടി വിറ്റുവരവുള്ള സ്ഥാപനമായി മാറ്റും.
5235 കോടി രൂപ ചെലവിടുന്ന തിരുവനന്തപുരം റിങ് റോഡ് പദ്ധതി ടെന്ഡര് പൂര്ത്തിയാക്കി നവംബറില് നിര്മാണം തുടങ്ങും.മുഴുപ്പിലങ്ങാട് ബീച്ചിലെ നക്ഷത്രഹോട്ടല് നിര്മാണം 2023-ല് പൂര്ത്തിയാക്കും.ഒരു വര്ഷത്തിനുള്ളില് 125 കിലോമീറ്റര് ദേശീയപാത നിര്മാണം പൂര്ത്തിയാക്കും. ആക്കുളം തടാകം പുനരുജ്ജീവനം ആരംഭിക്കും.
പുതുവൈപ്പിന് എല്.എന്.ജി. ടെര്മിനല് ഡിസംബറോടെ കമ്മിഷന്ചെയ്യും.1510 ഹെല്ത്ത് ആന്ഡ് വെല്നസ് സെന്ററുകള് ആരംഭിക്കും. 170 ആശുപത്രികളില്ക്കൂടി ഇ-ഹെല്ത്ത് വ്യാപിപ്പിക്കും.
അതേസമയം സില്വര്ലൈന് പദ്ധതി എന്തുവന്നാലും നടപ്പാക്കുമെന്നും ഭൂമി ഏറ്റെടുക്കല് നടപടികള് ഉടന് ആരംഭിക്കുമെന്നും ഒന്നാം വര്ഷത്തെ പ്രോഗ്രസ് റിപ്പോര്ട്ട് അവതരിപ്പിച്ച് മുഖ്യമന്ത്രി പറഞ്ഞു. പ്രാരംഭ നടപടികളുമായി മുന്നോട്ടുപോകാനായി കേന്ദ്ര ധനമന്ത്രാലയത്തിന്റെ അനുമതി കിട്ടിയിട്ടുണ്ട്. ഭൂമി ഏറ്റെടുക്കുമ്പോള് ഭൂഉടമകള്ക്ക് മെച്ചപ്പെട്ട നഷ്ടപരിഹാരം നല്കുകയും ചെയ്യും.
https://www.facebook.com/Malayalivartha
