നമ്മുടെ രാജ്യത്തെ ലോകത്തിനു മുന്നില് നാണം കെടുത്തുന്ന അവസ്ഥയില് എത്തിച്ചിരിക്കുകയാണ് സംഘപരിവാര്... മുഹമ്മദ് നബിക്കെതിരായ ബി.ജെ.പി വക്താവിന്റെ വിവാദ പരാമര്ശത്തെ വിമര്ശിച്ച് മുഖ്യമന്ത്രി
മുഹമ്മദ് നബിക്കെതിരായ ബി.ജെ.പി വക്താവിന്റെ വിവാദ പരാമര്ശത്തെ വിമര്ശിച്ച് മുഖ്യമന്ത്രി പിണറായി വിജയന്. ഒരു മതേതര ജനാധിപത്യ രാഷ്ട്രമെന്ന നിലയ്ക്ക് ഏവരും ആദരവോടെ കാണുന്ന നമ്മുടെ രാജ്യത്തെ, ലോകത്തിനു മുന്നില് നാണം കെടുത്തുന്ന അവസ്ഥയില് എത്തിച്ചിരിക്കുകയാണ് സംഘപരിവാര് ശക്തികളെന്ന് മുഖ്യമന്ത്രി പ്രസ്താവനയില് പറഞ്ഞു.
പ്രവാചകനെതിരായ അധിക്ഷേപം സംഘപരിവാര് അജണ്ടയുടെ ഭാഗമാണെന്നും മുസ്ലിങ്ങളെയും ക്രൈസ്തവരെയും കമ്യൂണിസ്റ്റുകാരെയും ആഭ്യന്തര ശത്രുക്കളായി കാണുന്ന ഗോള്വാള്ക്കര് ചിന്തയാണ് ബി.ജെ.പി നേതാവിന്റെ വാക്കുകളിലൂടെ പുറത്തു വന്നതെന്നും അദ്ദേഹം പറഞ്ഞു.
ഒരു മതേതര ജനാധിപത്യ രാഷ്ട്രമെന്ന നിലയ്ക്ക് ഏവരും ആദരവോടെ കാണുന്ന നമ്മുടെ രാജ്യത്തെ ലോകത്തിനു മുന്നില് നാണം കെടുത്തുന്ന അവസ്ഥയില് എത്തിച്ചിരിക്കുകയാണ് സംഘപരിവാര് ശക്തികള്. അതില് ഏറ്റവും പുതിയ അദ്ധ്യായമാണ് കഴിഞ്ഞ ദിവസം ബിജെപി വക്താക്കളില് നിന്നും പ്രവാചകനെതിരെയുണ്ടായ വര്ഗീയവിഷം ചീറ്റുന്ന അധിക്ഷേപ പ്രസ്താവനകള്. മുസ്ലീം സമൂഹത്തെ അപരവല്ക്കരിക്കുന്ന ഹിന്ദുത്വ വര്ഗീയ രാഷ്ട്രീയം നാടിന്റെ സാമൂഹിക ഭദ്രത മാത്രമല്ല, സാമ്ബത്തിക കെട്ടുറപ്പു കൂടി ഇല്ലാതാക്കുകയാണ്. അവരുടെ തല തിരിഞ്ഞ സാമ്ബത്തിക നയങ്ങള് സൃഷ്ടിക്കുന്ന പ്രയാസങ്ങള്ക്കു പുറമേയാണ് ഇത്.
അനേക ലക്ഷം ഇന്ത്യക്കാര്ക്ക് തൊഴില് നല്കുകയും നമ്മുടെ സമ്ബദ് വ്യവസ്ഥയിലും പുരോഗതിയിലും നിര്ണായക സംഭാവനകള് നല്കുകയും ചെയ്യുന്ന നിരവധി ഇസ്ലാമിക രാഷ്ട്രങ്ങള് ബിജെപിയുടേയും സംഘപരിവാറിന്റേയും വെറുപ്പിന്റെ രാഷ്ട്രീയത്തിനെതിരെ ശക്തമായ ശബ്ദമുയര്ത്താന് ഇടയായിരിക്കുന്നു. ഇന്ത്യയോട് വളരെ സൗഹാര്ദ്ദപൂര്വമായ ബന്ധം സൂക്ഷിക്കുന്ന രാജ്യങ്ങളാണ് ഇവയെല്ലാം. പ്രവാചകനെതിരായ അധിക്ഷേപം സംഘപരിവാര് അജണ്ടയുടെ ഭാഗമാണ്. മുസ്ലിങ്ങളെയും െ്രെകസ്തവരെയും കമ്യൂണിസ്റ്റുകാരെയും ആഭ്യന്തര ശത്രുക്കളായി കാണുന്ന ഗോള്വാള്ക്കര് ചിന്തയാണ് ബി ജെ പി നേതാവിന്റെ വാക്കുകളിലൂടെ പുറത്തു വന്നത്.
ഓരോ പൗരനും അയാള്ക്ക് ഇഷ്ടമുള്ള മതങ്ങളില് വിശ്വസിക്കാനുള്ള അവകാശം നല്കുന്ന നമ്മുടെ ഭരണഘടനയെ അവര് തീര്ത്തും അവഗണിക്കുകയാണ്. മറ്റൊരു മതസ്ഥന്റെ വിശ്വാസത്തേയും സംസ്കാരത്തേയും അവഹേളിക്കാനോ നിഷേധിക്കാനോ ഉള്ള അവകാശം ഭരണഘടന ആര്ക്കും നല്കുന്നില്ല. നമ്മുടെ നാടിന്റെ മഹത്തായ മത നിരപേക്ഷ പാരമ്ബര്യത്തെ അപകടപ്പെടുത്തുന്ന നികൃഷ്ട ശ്രമങ്ങള്ക്ക് തടയിടാനും വിദ്വേഷ പ്രചാരകരെ ശിക്ഷിക്കാനും കേന്ദ്ര സര്ക്കാര് നടപടി സ്വീകരിക്കണം. അതിലുപരിയായി വര്ഗീയ ശക്തികള്ക്കെതിരെ പൊതുസമൂഹത്തില് നിന്നും ഒറ്റക്കെട്ടായ എതിര്പ്പ് ഉയര്ന്നു വരണം. നാടിന്റെ ഭാവിയെ സംബന്ധിച്ചിടത്തോളം അനിവാര്യതയാണിത്.
ബി.ജെ.പി നേതാവ് നൂപൂര് ശര്മയുടെ പ്രസ്താവനയില് പ്രതികരിച്ച് കോണ്ഗ്രസ് നേതാവ് രമേശ് ചെന്നിത്തലയും രംഗത്തെത്തി.
ബി.ജെ.പി വക്താക്കളുടെ പ്രസ്താവന അപലപനീയവും വിഷലിപ്തവുമെന്ന് ചെന്നിത്തല തന്റെ ഫേസ്ബുക്ക് കുറിപ്പിലൂടെ പ്രതികരിച്ചത്. ഇന്ത്യയുടെ പ്രതിനിധികളെ ഞായറാഴ്ച വിളിച്ചുവരുത്തി കുവൈറ്റും, ഖത്തറും, ഇറാനും പ്രതിഷേധത്തിന്റെ നയതന്ത്ര കുറിപ്പുകള് കൈമാറി എന്ന വാര്ത്ത ആര്ഷഭാരത സംസ്കാരത്തില് അഭിമാനം കൊള്ളുന്ന ഓരോ ഭാരതീയനും അപമാനപൂര്വമേ ഉള്കൊള്ളാന് കഴിയൂവെന്ന് അദ്ദേഹം കുറിച്ചു.
പ്രവാചകന് മുഹമ്മദ് നബിയെക്കുറിച്ച് ഇന്ത്യ ഭരിക്കുന്ന ഭാരതീയ ജനതാ പാര്ട്ടിയുടെ ഔദ്യോഗിക വക്താക്കള് നടത്തിയ അപരിഷ്കൃതവും അപലപനീയവും അങ്ങേയറ്റം വിഷലിപ്തവും നിന്ദ്യവുമായ അധിക്ഷേപങ്ങള്ക്ക് എതിരെ അറബ് രാഷ്ട്രങ്ങളിലും ആഗോളതലത്തിലും വലിയ പ്രതിഷേധങ്ങള് അലയടിക്കുകയാണ്. ഇന്ത്യയുടെ പ്രതിനിധികളെ ഞായറാഴ്ച വിളിച്ചുവരുത്തി കുവൈറ്റും, ഖത്തറും, ഇറാനും പ്രതിഷേധത്തിന്റെ നയതന്ത്ര കുറിപ്പുകള് കൈമാറി എന്ന വാര്ത്ത ആര്ഷഭാരത സംസ്കാരത്തില് അഭിമാനം കൊള്ളുന്ന ഓരോ ഭാരതീയനും അപമാനപൂര്വമേ ഉള്കൊള്ളാന് കഴിയൂ.
നാനാത്വത്തില് ഏകത്വമെന്ന ശക്തവും വൈവിധ്യവുമാര്ന്ന സാംസ്കാരിക പാരമ്ബര്യങ്ങളിലൂന്നി എല്ലാ മതങ്ങളോടും സഹിഷ്ണുത, സഹവര്ത്തിത്വം, ബഹുമാനം എന്നീ മൂല്യങ്ങള് മുറുകെപിടിക്കുന്ന നമ്മുടെ പൈതൃകത്തിന് ആഗോളതലത്തില് ആഘാതമേല്പിക്കുന്ന ആപല്ക്കരമായ നയങ്ങളാണ് മോദിയും ബിജെപിയും ഇന്നും അനുവര്ത്തിക്കുന്നത്.
https://www.facebook.com/Malayalivartha
