സംസ്ഥാനത്ത് ഒറ്റപ്പെട്ട സ്ഥലങ്ങളില് കനത്ത മഴയ്ക്ക് സാധ്യതയുള്ളതായി കാലാവസ്ഥാ നിരീക്ഷണ കേന്ദ്രം... വിവിധ ജില്ലകളില് യെല്ലോ അലര്ട്ട്
സംസ്ഥാനത്ത് ഒറ്റപ്പെട്ട സ്ഥലങ്ങളില് കനത്ത മഴയ്ക്ക് സാധ്യതയുള്ളതായി കാലാവസ്ഥാ നിരീക്ഷണ കേന്ദ്രം അറിയിച്ചു. ശനിയാഴ്ച വരെ സംസ്ഥാനത്ത് വ്യാപകമായി മഴ പെയ്യും.
വടക്ക് മധ്യകേരളത്തില് കൂടുതല് മഴ ലഭ്യമാകും. ഇന്ന് കേരള, കര്ണാടക തീരങ്ങളിലും ലക്ഷദ്വീപ് ഭാഗത്തും മണിക്കൂറില് 50 കിലോമീറ്റര് വരെ വേഗത്തില് കാറ്റുവീശാനുള്ള സാധ്യതയേറെയായതിനാല് ഈ ഭാഗങ്ങളില് കടലില് പോകരുത്.
ശനിയാഴ്ച വരെ വിവിധ ജില്ലകളില് കേന്ദ്ര കാലാവസ്ഥാ വകുപ്പ് യെല്ലോ അലര്ട്ട് പ്രഖ്യാപിച്ചു. ഇന്ന് പത്തനംതിട്ട, ഇടുക്കി, തൃശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര് ജില്ലകളിലും അലര്ട്ട് പ്രഖ്യാപിച്ച ജില്ലകള്ക്കു പുറമേ നാളെ കാസര്ഗോഡ് ജില്ലയിലും വെള്ളിയാഴ്ച ഇടുക്കി, പാലക്കാട്, മലപ്പുറം, കണ്ണൂര്, കാസര്ഗോഡ് ജില്ലകളിലും ശനിയാഴ്ച ഇടുക്കി, പാലക്കാട്, മലപ്പുറം, കണ്ണൂര് ജില്ലകളിലും യെല്ലോഅലര്ട്ട് പ്രഖ്യാപിച്ചു. 24 മണിക്കൂറിനുള്ളില് ആറുമുതല് 11 വരെ സെന്റീമീറ്റര് മഴയാണു പ്രവചിച്ചിരിക്കുന്നത്.
"
https://www.facebook.com/Malayalivartha
