ബഫര്‍ സോണ്‍ ഉത്തരവില്‍ പ്രതിഷേധം, മൂന്നു ജില്ലകളില്‍ ഇന്ന് യുഡിഎഫ് ഹര്‍ത്താല്‍, പരിസ്ഥിതി ലോല മേഖല നിര്‍ദ്ദേശം കര്‍ഷകര്‍ക്ക് തിരിച്ചടി, സുപ്രീംകോടതി നിര്‍ദ്ദേശത്തില്‍ സര്‍ക്കാര്‍ ഇടപെടല്‍ വേണം, സര്‍വകക്ഷി യോഗം വിളിക്കണമെന്നും യുഡിഎഫ്
ബഫര്‍ സോണ്‍ ഉത്തരവില്‍ പ്രതിഷേധം, മൂന്നു ജില്ലകളില്‍ ഇന്ന് യുഡിഎഫ് ഹര്‍ത്താല്‍, ഇടുക്കി, വയനാട് ജില്ലകളിലും മലപ്പുറം ജില്ലയിലെ മലയോര വനാതിര്‍ത്തി മേഖലകളിലും ഇന്ന് യുഡിഎഫ് ഹര്‍ത്താല്‍ ആചരിക്കുന്നു.
പരിസ്ഥിതി ലോല മേഖല നിര്‍ദ്ദേശം കര്‍ഷകര്‍ക്ക് തിരിച്ചടി, സുപ്രീംകോടതി നിര്‍ദ്ദേശത്തില്‍ സര്‍ക്കാര്‍ ഇടപെടല്‍ വേണം, സര്‍വകക്ഷി യോഗം വിളിക്കണമെന്നും യുഡിഎഫ് .
ബഫര്‍ സോണ്‍ പരിധിയില്‍ നിന്ന് ജനവാസ മേഖലകളെ പൂര്‍ണമായി ഒഴിവാക്കണമെന്നാണ് ആവശ്യമുയരുന്നത്. കല്‍പ്പറ്റ, മാനന്തവാടി, ബത്തേരി നഗരങ്ങളില്‍ രാവിലെ യുഡിഎഫ് പ്രവര്‍ത്തകര്‍ പ്രതിഷേധ പ്രകടനം നടത്തും. കഴിഞ്ഞ ദിവസം വയനാട്ടില്‍ എല്‍ഡിഎഫും ഹര്‍ത്താല്‍ നടത്തിയിരുന്നു.
അതേസമയം ബഫര്‍ സോണ്‍ ആശങ്ക അകറ്റാനായി ഇടപെടലുകള്‍ ആവശ്യപ്പെട്ട് മലപ്പുറം ജില്ലയിലെ മലയോര വനാതിര്‍ത്തി മേഖലകളിലും ഇന്ന് യുഡിഎഫ് ഹര്‍ത്താല്‍ ആചരിക്കുന്നു. പതിനൊന്നു പഞ്ചായത്തുകളിലും നിലമ്പൂര്‍ മുനിസിപ്പാലിറ്റിയിലുമാണ് വൈകീട്ട് 6 വരെയാണ് ഹര്‍ത്താല്‍.
കരുവാരക്കുണ്ട്,കാളികാവ്,ചോക്കാട്,അമരമ്പലം,കരുളായി,മൂത്തേടം,വഴിക്കടവ്,എടക്കര,ചുങ്കത്തറ,പോത്തുക്കല്‍,ചാലിയാര്‍ പഞ്ചായത്തുകളിലാണ് ഹര്‍ത്താല്‍. പത്ര വിതരണം,പാല്‍ വിതരണം, വിവാഹം, മറ്റു അത്യാവശ്യ സര്‍വീസുകളെയും ഒഴിവാക്കും.
വന്യജീവി സങ്കേതങ്ങളുടെയും ദേശീയ ഉദ്യാനങ്ങളുടെയും ഒരു കിലോമീറ്റര്‍ ചുറ്റളവില്‍ പരിസ്ഥിതി ലോലമേഖലയാക്കണമെന്നും ഇവിടങ്ങളിലെ ഖനന-നിര്‍മാണ പ്രവര്‍ത്തനങ്ങള്‍ നിയന്ത്രിക്കണമെന്നുമാണ് ഇക്കഴിഞ്ഞ വെളളിയാഴ്ച സുപ്രീം കോടതി ഉത്തരവിട്ടത്. ഈ മേഖലകളിലെ കെട്ടിടങ്ങളുടെയും നിര്‍മാണ പ്രവര്‍ത്തനങ്ങളുടെയും റിപ്പോര്‍ട്ട് മൂന്ന് മാസത്തിനകം സമര്‍പ്പിക്കണമെന്നുമാണ് കോടതി നിര്‍ദ്ദേശം.
എന്നാല്‍ ജനങ്ങള്‍ തിങ്ങിപ്പാര്‍ക്കുന്ന മേഖലകള്‍ പരിസ്ഥിതി ലോലമാക്കാനുളള ഉത്തരവിനെ നിയമപരമായി നേരിടാനാണ് കേരളത്തിന്റെ തീരുമാനം. ജനങ്ങളുടെ താല്‍പര്യം മുന്‍നിര്‍ത്തി സുപ്രീം കോടതിയെയും കേന്ദ്ര സര്‍ക്കാരിനെയും സമീപിക്കുമെന്ന് മുഖ്യമന്ത്രി പിണറായി വിജയന്‍ ഇതിനോടകം വ്യക്തമാക്കി
"
https://www.facebook.com/Malayalivartha
