ഒരുത്തീ എന്ന ചിത്രത്തിൻ്റെ വാർത്ത സമ്മേളനത്തിനിടെ ഉണ്ടായ പ്രശ്നത്തിന് പിന്നാലെ ഇപ്പോൾ ഇതാ വീണ്ടും ഒരു പ്രശ്നം ഉണ്ടായിരിക്കുകയാണ്. മീടു ആരോപണത്തിൽ നടൻ വിനായകൻ വീണ്ടും പൊട്ടിത്തെറിച്ചിരിക്കുകയാണ്. എന്തടിസ്ഥാനത്തിലാണ് തനിക്കെതിരെ മീ ടു ആരോപണ൦ ഉന്നയിക്കുന്നത്? മാനസികവും ശാരീരികവുമായ ഉപദ്രവത്തെ മീ ടു എന്ന് പറയുന്നത്. അതൊരു വലിയ കുറ്റകൃത്യമാണ്. അതു വച്ച് തമാശ കളിക്കരുതെന്നാണ് വിനായകൻ പറഞ്ഞിരിക്കുന്നത്.

പന്ത്രണ്ട് എന്ന പുതിയ സിനിമയുടെ പ്രമോഷൻ്റെ ഭാഗമായിട്ടായിരുന്നു അദ്ദേഹം വാർത്ത സമ്മേളനം നടത്തിയത്. വിനായകൻ ഇന്നായിരുന്നു മാധ്യമങ്ങളെ കണ്ടത്. വിനായകനും മാധ്യമപ്രവർത്തകരുമായി ഇന്ന് ഈ വിഷയത്തിൽ വീണ്ടും സംസാരമുണ്ടായിരിക്കുകയാണ്. അന്ന് താൻ മോശം പരാമർശം നടത്തിയ മാധ്യമപ്രവർത്തക ഇപ്പോൾ സ്ഥലത്തുണ്ടോ എന്ന് വിനായകൻ ചോദിച്ചു.

എന്നിട്ട് ആ കാര്യത്തിൽ ചിലത് വിശദീകരിക്കാനുണ്ടെന്ന് പറഞ്ഞു. ശേഷം നേരത്തെ നടത്തിയ വാർത്താ സമ്മേളനത്തിൽ മാധ്യമപ്രവർത്തകയോട് മോശമായി പെരുമാറിയിട്ടില്ലെന്ന് പറഞ്ഞു. പെൺകുട്ടിക്ക് വിഷമം തോന്നിയെങ്കിൽ മാപ്പ് ചോദിക്കുന്നുവെന്നും വിഷമമില്ലെങ്കിൽ മാപ്പ് പിൻവലിക്കുന്നുവെന്നും വിനായകൻ വ്യക്തമാക്കി.